07.10.2026 | 23:48
Արթուր Դանիելյանը կալանավորվեց
ԱՄՆ-ը ողջունում է Փաշինյանի վերջին ելույթը և Էնդրյու Շոֆերին ուղարկում տարածաշրջան․ Պետդեպ
Քաղաքականություն
18.04.2022 | 18:50
ԱՄՆ-ը ողջունում է Հայաստանի վարչապետ Նիկոլ Փաշինյանի վերջին ելույթը։ Այս մասին ասվում է ԱՄՆ Պետքարտուղարության Եվրոպայի և Եվրասիայի քաղաքականության հարցերով բյուրոյի թվիթերյան գրառման մեջ։
«ԱՄՆ-ը ողջունում է Հայաստանի վարչապետ Նիկոլ Փաշինյանի վերջին մեկնաբանությունները՝ կապված Ադրբեջանի հետ խաղաղության բանակցությունների հետ, Հայաստանի և Ադրբեջանի ԱԳ նախարարների միջև վերջին երկկողմ բանակցությունները և Ադրբեջանի նախագահ Իլհամ Ալիևի հավատարմությունը խաղաղ բանակցություններին»,- ասվում է գրառման մեջ։
Նշվում է նաև, որ ԱՄՆ-ը տարածաշրջան է գործուղել ԵԱՀԿ Մինսկի խմբի ամերիկացի համանախագահ Էնդրյու Շոֆերին։
«Պետքարտուղարի օգնական Դոնֆրիդն այս շաբաթ տարածաշրջան է ուղարկել Կովկասի բանակցությունների հարցերով իր գլխավոր խորհրդական Էնդրյու Շոֆերին՝ քննարկելու, թե ԱՄՆ-ն ինչպես կարող է լավագույն ձևով աջակցել գործընթացին»,- ասվում է գրառման մեջ։
Հավելենք, որ Էնդրյու Շոֆերն այսօր Երևանում արդեն հանդիպել է ՀՀ ԱԳ նախարար Արարատ Միրզոյանի և վարչապետ Նիկոլ Փաշինյանի հետ։
Էմմա Չոբանյան
