14.12.2024 | 18:16
ՆԳ նախարարը Ոստիկանության անձնակազմի հետ օպերատիվ խորհրդակցություն է անցկացրել
Փաշինյանն ու Պուտինը կքննարկեն Լեռնային Ղարաբաղում իրավիճակի կարգավորմանն ուղղված աշխատանքները․ Կրեմլ
Քաղաքականություն
18.04.2022 | 16:30
Ապրիլի 19-ին ՌԴ նախագահ Վլադիմիր Պուտինը և Հայաստանի վարչապետ Նիկոլ Փաշինյանը կքննարկեն Լեռնային Ղարաբաղի վերաբերյալ Ռուսաստանի, Հայաստանի և Ադրբեջանի ղեկավարների պայմանավորվածությունների կատարման ընթացքը, ՌԻԱ Նովոստիի փոխանցմամբ՝ հայտնում է Կրեմլի մամուլի ծառայությունը։
«Ապրիլի 19-ին ՌԴ նախագահ Վլադիմիր Պուտինը կհանդիպի Հայաստանի Հանրապետության վարչապետ Նիկոլ Փաշինյանի հետ, որը պաշտոնական այցով կգտնվի Ռուսաստանում»,- ասվում է հաղորդագրության մեջ։
Կողմերը նախատեսում են քննարկել ռուս-հայկական ռազմավարական գործընկերության և դաշնակցային հարաբերությունների հետագա զարգացման արդիական հարցեր։
«Կքննարկվի նաև Ռուսաստանի, Հայաստանի և Ադրբեջանի ղեկավարների միջև Լեռնային Ղարաբաղի վերաբերյալ 2020 թվականի նոյեմբերի 9-ին, հունվարի 11-ին և 2021 թվականի նոյեմբերի 26-ին ձեռք բերված պայմանավորվածությունների կատարումը, ներառյալ՝ տարածաշրջանում տնտեսական և տրանսպորտային կապերի վերականգնմանն ուղղված միջոցառումները»,- ասվում է հաղորդագրության մեջ։
Տաթև Ֆռանգյան
