22.04.2026 | 23:30
ՀՀ տարածքում ավտոճանապարհները հիմնականում անցանելի են
Պետությունը չպետք է որոշի՝ լրագրողը որևէ պետական մարմնում հավատարմագրվի՞, թե՞ ոչ. Աշոտ Մելիքյան․ ՏԵՍԱՆՅՈՒԹ
Հասարակություն
15.04.2022 | 15:51
ԱԺ Մարդու իրավունքների պաշտպանության և հանրային հարցերի մշական հանձնաժողովի նախագահ Թագուհի Թովմասյանը կազմակերպել է քննարկում «Զանգվածային լրատվության մասին» օրենքում լրացում կատարելու մասին» օրենքի նախագծի թեմայով (հավատարմագրման կարգի փոփոխության մասով)։
«Պետությունը չպետք է որոշի՝ լրագրողը որևէ պետական մարմնում հավատարմագրվի՞, թե՞ ոչ, լրատվամիջոցը պետք է որոշի»,- այս մասին ընդծեց Խոսքի ազատության պաշտպանության կոմիտեի նախագահ Աշոտ Մելիքյանը:
Մելիքյանի խոսքով` այս նախագիծն այն շղթայի մի մասն է, որը սկսվել է մեկուկես տարի առաջ:
«Բոլոր այն օրենսդրական նախաձեռնությունները, որոնք կատարվել են էս ընթացքում (նկատի ունի ԶԼՄ ոլորտին վերաբերող հեղ.), դրանք ռեպրեսիվ բնույթ ունեն: Վիրավորանքի ու զրպարտության փոխհատուցման վերին շեմի եռապատկում, վիրավորանքի մի մասի քրեականացում, ինֆորմացիայի` տարբեր օրենքներով մատչելիության բարդացում: Պետությունը պետք է չորոշի՝ այս լրագրողը պետք է հավատարմագրվի, թե ոչ: ԶԼՄ-ն ինքը պետք է որոշի` իրեն այդ գերատեսչությունը հետաքրքիր է, թե ոչ»,- ասաց Մելիքյանը:
Նշենք, որ Թագուհի Թովմասյանի հավաստմամբ՝ լրագրողական հանրությունը անտեղյակ է եղել, որ այդպիսի օրենսդրական նախաձեռնություն կա և զրկված է եղել առաջարկներ ներկայացնելու հնարավորությունից:
Քննարկմանը հրավիրվել են նաև նախագծի հեղինակները, սակայն նրանք չեն ներկայացել:
Մանրամասները՝ տեսանյութում:
