15.01.2025 | 17:53
Քանի դեռ ՀԱՊԿ գործընկերները չեն փոխել իրենց դիրքորոշումը, մեր վերաբերմունքը լեգիտիմ է․ Պապիկյան․ ՏԵՍԱՆՅՈՒԹ
Պուտինը կարող է դիմել միջուկային զենքի. ԿՀՎ տնօրեն
Քաղաքականություն
15.04.2022 | 13:35
ԱՄՆ Կենտրոնական հետախուզական վարչության (ԿՀՎ) տնօրենը հայտարարել է, որ Ուկրաինայում հաղթանակի պատրանք ստեղծելու «պոտենցիալ հուսահատությունը» կարող է դրդել Ռուսաստանի նախագահ Վլադիմիր Պուտինին՝ հրամայել օգտագործել մարտավարական կամ ցածր արտադրողականության միջուկային զենք, գրում է The New York Times-ը։
Տնօրեն Վիլիամ Բերնսը, որը նաև եղել է Ռուսաստանում ԱՄՆ դեսպան, ասել է, որ նման զենքի հավանական օգտագործումը, թեկուզ նախազգուշական կրակոցը, հնարավոր է։ Սակայն նա, միաժամանակ, ասել է, որ որ մինչ այժմ, չնայած Պուտինի կողմից միջուկային սպառնալիքների հաճախակի կոչերին, նա չի տեսել ռազմական տեղակայման կամ զենքի տեղաշարժի տեսակների «գործնական ապացույցներ», որոնք կհուշեն, թե նման քայլը մոտ է։
«Հաշվի առնելով նախագահ Պուտինի և Ռուսաստանի ղեկավարության պոտենցիալ հուսահատությունը, հաշվի առնելով այն անհաջողությունները, որոնց նրանք բախվել են մինչ այժմ ռազմական առումով, մեզանից ոչ ոք չի կարող անլուրջ վերաբերվել մարտավարական միջուկային զենքին դիմելու հնարավոր սպառնալիքին»,- ասել է Բերնսը Ջորջիայի տեխնոլոգիական ինստիտուտում ելույթից հետո հարց ու պատասխանի ընթացքում։
Այդպիսով, Բերնսը պատասխանել է Ջորջիայից նախկին սենատոր Սամ Նուննի հարցին, որը ժամանակին օգնել է ստեղծել Ուկրաինայից և Խորհրդային այլ երկրներից միջուկային զենքի դուրսբերման ծրագիրը։
Էմմա Չոբանյան
