20.11.2024 | 09:31
ՀՀ տարածքում ավտոճանապարհներն անցանելի են
Վարչապետն արցախցիների՝ Ադրբեջանի կազմում լինել-չլինելու մասին ոչինչ չի ասել. Աղաջանյան․ ՏԵՍԱՆՅՈՒԹ
Քաղաքականություն
15.04.2022 | 11:26
«Արցախահայության թիկունքում որևէ գործընթաց չկա ու չի կարող լինել»,- խորհրդարանական ճեպազրույցի ժամանակ հայտարարեց «Քաղաքացիական պայմանագիր» խմբակցության պատգամավոր, ԱԺ արտաքին հարաբերությունների հանձնաժողովի նախագահ Էդուարդ Աղաջանյանը։
Անդրադառնալով Արցախի ԱԺ պատգամավորների երեկվա հայտարարությունը` Աղաջանյանը կարծիք հայտնեց, որ արցախցի գործընկերներն ամբողջությամբ չեն հասկացել Հայաստանի վարչապետ Նիկոլ Փաշինյանի` ԱԺ-ում հնչեցրած ելույթի բովանդակությունը։
Պատգամավորը հայտարարեց, որ այս ողջ գործընթացը միտված է հենց արցախահայության իրավունքների պաշտպանությանն ու դրանց իրացմանը։
Մեկնաբանելով Նիկոլ Փաշինյանի ելույթի այն հատվածը, որը վերաբերում էր Արցախի կարգավիճակի և արցախահայության իրավունքների իրացման «հակառակ» տրամաբանությանը, Աղաջանյանը նշեց. «Առաջարկվում էր հարցին նայել արցախցիների իրավունքների իրացման տեսակետից, հետո նոր կարգավիճակին։ Այս հարցում Հայաստանի Հանրապետությունը իր պաշտոնական դիրքորոշումները չի փոխել, այսինքն` ՀՀ–ի համար մշտապես արցախյան հիմնախնդիրը տարածքային վեճ չի եղել, եղել է արցախահայության`իրենց ծննդավայրում անվտանգ ապրելու իրավունքի իրացման խնդիր։ Մեզ համար Արցախի կարգավիճակը մշտապես եղել է միջոց այս իրավունքներն իրացնելու համար: ՀՀ դիրքորոշումն այս հարցի վերաբերյալ մշտապես եղել է անփոփոխ»։
«Վարչապետն արցախցիների՝ Ադրբեջանի կազմում լինել-չլինելու մասին ոչինչ չի ասել»,-ընդգծեց Աղաջանյանը:
Մանրամասները՝ տեսանյութում:
