22.04.2026 | 21:01
Մարտին Պողոսյանը՝ ծանրամարտի Եվրոպայի առաջնության բրոնզե մեդալակիր
Խնդիրը չլուծվեց՝ ճանապարհ ենք փակելու․ Նուբարաշենի խճուղու 5 շենքերի բնակիչները հուսալքված են․ ՏԵՍԱՆՅՈՒԹ
Հասարակություն
14.04.2022 | 20:10
Երևանի Էրեբունի վարչական շրջանի Նուբարաշենի խճուղու 5 շենքերի բնակիչներն արդեն հոգնել են այդպես էլ լուծում չստացող կենցաղային խնդիրներից, որոնցից ամենամեծը, ասում են, տրանսպորտի խնդիրն է։
Տարածքը սպասարկում են 47 և 10 համարի երթուղիները, որոնք Նուբարաշենից այստեղ են հասնում արդեն գերբեռնված։ Դրանցից օգտվել պարզապես չեն կարողանում։
Տարածքում մթերային խանութներից բացի՝ այլ բան չկա։ Միայն Հայփոստի բաժանմունքը կար, որտեղ վճարումներ էին անում, թոշակ ստանում, բայց վերջերս նաև դրանից են զրկվել։
5 շենքում շուրջ 1000 բնակիչ է ապրում։ Ստորագրահավաք են արել, դիմել քաղաքապետարան։ Վերջին ստացած պատասխանում ասվում է, որ 10 համարի երթուղու շարժակազմը կավելացվի, իսկ այդ տարածքը սպասարկող 60 համարի երթուղին վերականգնելու հարցը դիտարկում են։
Քաղաքապետարանից խնդրի վերաբերյալ նաև Factor TV-ն փորձեց պարզաբանում ստանալ։ Հայտնեցին, որ խնդրից տեղյակ են և մայիսի 1-ից կավելանա 10 համարի երթուղու ավտոբուսների թիվը, այսինքն՝ ավելի հաճախ դուրս կգան գիծ, բացի այդ՝ միկրոավտոբուսի փոխարեն 74 համարի երթուղին կսպասարկեն ավտոբուսներ, այդ այս շենքերից քիչ հեռու էլ նոր կանգառ կավելացվի։
Տրանսպորտի խնդրից բացի՝ բնակիչները մի շարք այլ խնդիրների մասին ևս բարձրաձայնեցին՝ կոյուղու ջրերով լցված նկուղներից, գարշահոտով մուտքերից մինչև վնասված կոյուղու խողովակաշար։
Մանրամասները՝ տեսանյութում։
Սաթենիկ Հայրապետյան
