20.04.2026 | 16:45
Սերժ Սարգսյանի ստորագրած հողամասի վաճառքի դիմաց ՀՀ-ին կվերադարձվի 78.8 մլն դրամ․ Դատախազություն
Երկկողմ ձևաչափ չկա․ եղել է խոսակցություն բանակցությունների մեկնարկի մասին․ Միրզոյան․ ՏԵՍԱՆՅՈՒԹ
Քաղաքականություն
13.04.2022 | 16:44
Խորհրդարանում մեկնարկել է Կառավարության հետ հարցուպատասխանը:
Հայաստանի արտգործնախարար Արարատ Միրզոյանի՝ ապրիլի 11- ին կայացած հեռախոսազրույցը նրա ադրբեջանցի գործընկերոջ հետ տեղի է ունեցել Ադրբեջանի արտգործնախարար Ջեյհուն Բայրամովի նախաձեռնությամբ։ Այս մասին ԱԺ–ում կառավարության հետ հարցուպատասխանի ժամանակ հայտնեց ՀՀ ԱԳ նախարար Արարատ Միրզոյանը` անդրադառնալով պատգամավոր Սոնա Ղազարյանի հարցին և որոշ մանրամասներ բացահայտելով այդ զրույցից։
«Քննարկել ենք այն, ինչ վերջին 2 տարվա ընթացքում քննարկվել ու արձանագրվել է նաև Բրյուսելում` երկու երկրների ղեկավարների հանդիպման արդյունքներով։ Այն է` սահմանազատման ու սահմանային անվտանգության հարցերով հանձնաժողովի ստեղծման մեխանիզմները, ինչպես նաև Հայաստանի և Ադրբեջանի միջև կնքվելիք ենթադրյալ կարգավորման պայմանագրին ուղղված բանակցությունների մեկնարկի շուրջ երկու կողմերի պատկերացումները», -ասաց Միրզոյանը։
Նա նաև ընդգծեց, որ երկկողմ ձևաչափ չկա. «Մեր պատկերացումները ԵԱՀԿ Մինսկի խմբի մասին ամբողջությամբ մնում են նույնը, մենք ԼՂ հակամարտության կարգավորումը տեսնում ենք ԵԱՀԿ Մինսկի խմբի ձևաչափում… Համանախագահող երկրների միջև հակասություններն այս պահին հայտնի պատճառներով բարենպաստ չեն, որ կարողանան քննարկում ծավալել, բայց ես ձեռնպահ կմնայի ձևակերպում տալ, թե երկկողմ ձևաչափով բանակցություններ են եղել: Երկկողմ ձևաչափ գոյոթյուն չունի, եղել է խոսակցություն բանակցությունների մեկնարկի մասին»:
Մանրամասները՝ տեսանյութում:
