15.09.2026 | 18:52
Հայաստանի հավաքականի բասկետբոլիստը կխաղա ԱՄՆ-ում
Մայրս արդեն քաղաքացիություն է ստացել, ես էլ եմ դիմել․ ի՞նչն է Հայաստան բերել սփյուռքահայ մասնագետներին. ՏԵՍԱՆՅՈՒԹ
Հասարակություն
13.04.2022 | 19:02
27-ամյա Սևան Քալամազյանը ծնվել և մեծացել է Ֆրանսիայում։ Հայաստան է եկել սփյուռքահայ մասնագետների ներգրավման «իԳործ» ծրագրով և հիմա մարդու իրավունքների պաշտպանի գրասենյակում է աշխատում՝ Երեխաների իրավունքների պաշտպանության բաժնում։
Սևանը միջազգային փորձն է ուսումնասիրում, տեղայնացնում ու իրավիճակային լուծումներ առաջարկում։ Ուսումը Ֆրանսիայում է ստացել, մարդու իրավունքների պաշտպանությունն ուսումնասիրել։ Հայաստանը շատ է հավանել, 3 ամսով էր եկել, արդեն 3 տարի է՝ այստեղ է ապրում։ Ծնողներին ու եղբորը Հայաստան բերելը Սևանի ամենանվիրական ցանկություններից է։ Ինքն էլ Հայաստանում դեռ երկար կմնա, անելիք շատ կա, ասում է՝ հատկապես երեխաների իրավունքների պաշտպանության ոլորտում։
Նույն՝ «իԳործ» ծրագրի շրջանակում, բայց մեկ տարի առաջ Ռուսաստանից Հայաստան է եկել նաև Դավիթ Իվանյանը։
Դավիթը Հայաստան է եկել ու ծրագրի շրջանակում 1 տարի աշխատել Բարձր տեխնոլոգիական արդյունաբերության նախարարությունում, հետո որպես կոմերցիոն տնօրեն աշխատելու առաջարկ ստացել առաքման ծառայություն իրականացնող ընկերություններից մեկից։ Ընդունել է առաջարկն ու մնացել Հայաստանում։
Իր որոշումից Դավիթը գոհ է, նույնն էլ խորհուրդ է տալիս մյուս սփյուռքահայերին ՝ գալ ու արարել Հայաստանում։
Մանրամասները՝ տեսանյութում։
Սաթենիկ Հայրապետյան
