05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Փաշինյանը՝ իրենց սխալների, բանակի վերափոխման մասին․ Ալիևը խոսել է Փառուխից․ Լուրեր
Քաղաքականություն
13.04.2022 | 16:05
Վարչապետ Նիկոլ Փաշինյանն այսօր խորհրդարանում խոսել է նաև բանակի մասին։ նա նշել է, թե իշխանության գալուց հետո որոշել են չխառնվել բանակի խնդիրներին, ինչը այսօր ինքը սխալ է համարում։ Ըստ Փաշինյանի՝ ինքը պատերազմի մեկնարկից օրեր անց է իմացել, որ բանակում սաղավարտի ու զրահաբաճկոնի խնդիրներ կան։ Ներկայացնելով այսօրվա վիճակը՝ Փաշինյանն ասել է, որ զինված ուժերն այսօր ամենադժվարին` տրանսֆորմացիայի փուլում են, քանի որ բարեփոխումները շատ դժվար ճանապարհ են բանակի համար։
–
Ադրբեջանի նախագահ Իլհամ Ալիևը կրկին հայատյաց հայտարարություններով է հանդես եկել և սպառնալիքներ հնչեցրել Հայաստանի հասցեին։ Նա նշել է, թե տարածաշրջանում խաղաղության հաստատման համար անհրաժեշտ է վերջ դնել Հայաստանի սպառազինմանը։
–
Ալիևը խոսել է նաև Քարագլուխ բարձունքում ադրբեջանցիների դիրքավորման մասին, ու նշել է, թե հայկական կողմն այնտեղից սպառնում էր Ակնա Աղդամ քաղաքին։ Ալիևը նաև փաստացի ընդունել է, որ իրենք են փակել գազամատակարարումը դեպի Արցախ՝ նշելով, որ դրանից հետո շատ երկրներից զանգեր է ստացել։
–
Համացանցում առավոտից լուսանկարներ են տարածվել, որոնցում Ստեփանակերտի «Մենք ենք մեր սարերը» հուշարձանի մոտ Ռուսաստանի Դաշնության դրոշով Z տառն է պատկերված։ Ավելի ուշ դրոշը հեռացվել է։
