07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Փաշինյանը՝ ԼՂ կարգավիճակի նշաձողն իջեցնելու խնդրանքի, Բաքվի նպատակների, Փառուխի դեպքերի մասին․ Լուրեր
Քաղաքականություն
13.04.2022 | 14:54
Վարչապետ Նիկոլ Փաշինյանն այսօր խորհրդարանում հայտարարել է, որ չի բացառում, որ Ադրբեջանը կփորձի խաղաղության բանակցությունների գործընթացը հնարավորինս արագ փակուղի մտցնել՝ դա դարձնելով Հայաստանի ու Արցախի դեմ նոր ագրեսիվ գործողությունների առիթ:
Ըստ Փաշինյանի՝ Լեռնային Ղարաբաղում ՌԴ խաղաղապահների պատասխանատվության գոտում գտնվող Փառուխ գյուղ ներխուժելու պատմությունը ի ցույց դրեց, որ Ադրբեջանը չի պատրաստվում բավարարվել հոգեբանական ահաբեկչությամբ ու զինված ահաբեկչության միջոցով Արցախի հայաթափումը նրանց հիմնական խնդիրներից է։
Ըստ Փաշինյանի՝ միջազգային հանրությունը Հայաստանին կոչ է անում իջեցնել Լեռնային Ղարաբաղի կարգավիճակի հարցում նշաձողը ու այդ դեպքում միջազգային մեծ կոնսոլիդացիա կապահովվի Հայաստանի ու Արցախի շուրջ։
–
Մինչ այդ՝ գիշերը հայտնի էր դարձել, որ ռուս խաղաղապահները ընդդիմադիր Հայաստան և Պատիվ ունեմ խմբակցությունների պատգամավորներին Աղավնո անցակետի մոտ թույլ չեն տվել մտնել Արցախ։
–
Արցախի ազգային անվտանգության ծառայությունը հայտնում է, որ ռուս խաղաղապահների կողմից Ասկերանի բնակչին վիրավորելու մասին լուրը կեղծ է: Մինչ այդ Ռուսաստանի ՊՆ-ն հայտնել էր, որ ադրբեջանցիների կրակոցի պատճառով երեկ Փառուխի հատվածում վիրավորվել է ՊԲ զինծառայող։
