26.08.2026 | 13:10
Ինչ խնդիրներ են արձանագրվել 2025 թ․ ամառային և ձմեռային զորակոչերի ընթացքում․ ՀՔԱՎ-ի զեկույցը
Ռուսական դրոշով Z՝ Ստեփանակերտի հուշարձանի մոտ․ այս պահին այն հեռացված է․ ԼՈՒՍԱՆԿԱՐՆԵՐ
13.04.2022 | 13:33
Համացանցում առավոտից լուսանկարներ են տարածվել, որոնցում Ստեփանակերտի «Մենք ենք մեր սարերը» հուշարձանի մոտ Ռուսաստանի Դաշնության դրոշով Z տառն է պատկերված։
Ստեփանակերտից Factor.am-ի աղբյուրը հայտնեց, որ չի բացառվում՝ դրոշը տեղադրված է եղել առավոտյան, լուսանկարվել հետո հանվել է։ Մեր տեղեկություններով այս պահին հուշարձանի տարածքում Ռուսաստանի դրոշ չկա։ Ստորև ներկայացված լուսանկարն արված է րոպեներ առաջ։
Մեզ առայժմ չի հաջողվել Արցախի պաշտոնատար անձանց հետ կապ հաստատել, ճշտելու՝ ում նախաձեռնությունն է եղել այս ակցիան։
Հիշեցնենք՝ հանրության շրջանում քննադատության մեծ ալիք էր բարձրացրել այս տարվա փետրվարին Երևանում իրականացված նմանատիպ մի ակցիա։ Տեսանյութ և լուսանկարներ էին տարածվել, որոնցում պատկերված էր Կիևյան կամրջից «Армия России» գրությամբ պաստառ։ Ինչպես դրոշի դեպքում, պաստառը ևս երկար չէր մնացել և լուսանկարելուց հետո հանվել էր։
Արփի Հակոբյան
