16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
ԱԺ-ում Արցախի դրոշի տեղադրումը խորհրդանշական ակցիա էր. Թագուհի Թովմասյան. ՏԵՍԱՆՅՈւԹ
Քաղաքականություն
12.04.2022 | 18:07
ԱԺ ընդդիմադիր խմբակցությունների պատգամավորներն այսօր հանդես եկան քաղաքական ակցիայով՝ Արցախի դրոշներ տեղադրեցին Ազգային ժողովում և, բոյկոտելով ԱԺ նիստերը, մեկնեցին Արցախ:
«ԱԺ-ում Արցախի դրոշի տեղադրումը խորհրդանշական ակցիա էր»,- Factor.am-ի հետ զրույցում այս մասին նշեց «Պատիվ ունեմ» խմբակցության պատգամավոր, ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը:
Անդրադառնալով այդ ակցիայի վերաբերյալ իշխանական պատգամավորների քննադատություններին՝ Թովմասյանը նշեց. «Այս իշխանությունների մոտ մի բանը շատ լավ է ստացվում՝ դա ընդդիմությանը քննադատելն է: Նրանք իրենց ամբողջ գործիքակազմը կենտրոնացում են, հրահանգ են ստանում և միանգամից «միացման կոճակով» սկսում են ընդդիմությանը թիրախավորել:
Դրոշները տեղադրելու ակցիայի վերաբերյալ քննադատութունների ու անմակարդակ հայտարարությունների դիսկուրսի մեջ չէի ցանկանա մտնել, այնուամենայնիվ, պետք է արձանագրենք՝ Արցախի պետական խորհրդանիշը մեզ համար, որպես խորհրդանիշ, ընդունելի և ընկալելի՞ է, թե՞ ոչ:
Ինչո՞ւ են վատ զգում Արցախի խորհրդանիշից: Իմ խորին համոզմամբ՝ Նիկոլ Փաշինյանը և իր թիմակիցները Արցախն ընկալում են որպես Ռոբերտ Քոչարյանի և Սերժ Սարգսյանի հայրենիք և ատում են, ու այդ ատելությունը գեներացնում են հնարավոր բոլոր ճանապարհներով: Մեծ աշխատանք պետք է տանենք նրանց հետ, որպեսզի հասկանան՝ Արցախը բոլորիս հայրենիքն է»:
Մանրամասները՝ տեսանյութում:
