12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Նոր ավտոբուսների հաջորդ խմբաքանակը երթուղի դուրս կգա հունիսի 1-ից. Թարփոշյան․ ՏԵՍԱՆՅՈՒԹ
Տնտեսություն
11.04.2022 | 10:18
Անցած շաբաթվա ընթացքում «Երևանի ավտոբուս» ՓԲԸ կողմից երթուղիների սպասարկման նպատակով թվով 2011 ավտոբուս գտնվել է շահագործման մեջ։ Աշխատանքների ծավալի աճով պայմանավորված՝ ավելացել են տրանսպորտային պատահարների թիվը՝ 23, առանց լուրջ հետևանքների։ Երևանի քաղաքապետարանում գործակարգավարական խորհրդակցության ժամանակ ասաց «Երևանի ավտոբուս» ՓԲԸ տնօրեն Էլբակ Թարփոշյանը։
Նա նշեց, որ վթարի ենթարկված թվով 11 ավտոբուս «Zhong Tong» մակնիշի են. «Անձրևային մի քանի օրերը նպաստավոր պայմաններ ստեղծեցին վթարների ավելացման համար»։
Քաղաքապետ Հրաչյա Սարգսյանի հանձնարարականով, այսօրվանից համայնքային բոլոր նոր ավտոբուսների և միկրոավտոբուսների վարորդներն իրենց մոտ կունենան որոշակի քանակությամբ մանրադրամ:
«Դա արդեն կիրառության մեջ է։ Բոլորին տրվել է 10 հազարական դրամ ավանսային տեսքով, այսօրվանից կշրջանառվի։ Խնդրում եմ մեր բնակիչներին բայց և այնպես ունենալ պարտադիր 100 դրամանոց, քանի որ դա օրական շրջանառության 15 տոկոսը կկազմի և, ցավոք սրտի, չի բավականցնի, անհրաժեշտ է որպեսզի մեր բնակիչները ունենան 100 դրամանոց տրանսպորտից օգտվելու համար»։
Էլբակ Թարփոշյանի խոսքով՝ նոր ավտոբուսների հաջորդ խմբաքանակը երթուղի դուրս կգա հունիսի 1-ից: «Մայիսի 1-ին նոր երթուղիներ կունենանք «Zhong Tong» մակնիշի ավտոբուսներով սպասարկելու համար»,- հավելեց նա:
Քաղաքապետը հանձնարարեց պատրաստել 100 նոր ավտոբուսների ձեռք բերման համար մրցութային փաթեթ, երկու շաբաթվա ընթացքում հայտարարել մրցույթ։
Մանրամասները՝ տեսանյութում:
