07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Ֆրանսիայում այսօր նախագահական ընտրություններ են
Քաղաքականություն
10.04.2022 | 11:05
Այսօր՝ կիրակի օրը, Ֆրանսիայում անցկացվում է նախագահական ընտրությունների առաջին փուլը։
CNN-ի հաղորդմամբ՝ երկրի բարձրագույն պետական պաշտոնի համար պայքարում է 12 թեկնածու, այդ թվում՝ գործող նախագահ Էմանուել Մակրոնը: Եթե նրանցից ոչ մեկը չստանա քվեաթերթիկների 50%-ից ավելին, ապա առաջին երկու թեկնածուները «միմյանց կհանդիպեն» ապրիլի 24-ին կայանալիք երկրորդ փուլի ժամանակ: Կայքը նշում է, որ երկրորդ փուլը երաշխավորված է, քանի որ մինչ այժմ Ֆրանսիայի նախագահի ոչ մի թեկնածու չի հաղթել առաջին փուլում:
Մակրոնը ձգտում է դառնալ Ֆրանսիայի առաջին նախագահը, ով վերընտրվել է 2002 թվականի Ժակ Շիրակից հետո։ Նա նաև ամենաերիտասարդ թեկնածուն է։ Թեկնածուների թվում կա չորս կին։
Ծայրահեղ ձախ հայացքներով թեկնածու Ժան-Լյուկ Մելանշոնը, հարցումների համաձայն, երրորդ վարկանիշն ունի Մակրոնից հետո: Գործող նախագահի մրցակիցներից են նաև ևս մեկ ծայրահեղ աջակողմյա թեկնածու Էրիկ Զեմուրը և պահպանողական Վալերի Պեկրեսը։ Նրանք երկուսն էլ նախընտրական շրջանում այցելել էին Հայաստան, Պեկրեսը՝ նաևԱրցախ։
Առաջին փուլում առաջադրված թեկնածուների թվում են նաև Փարիզի քաղաքապետ Անն Իդալգոն, բնապահպան կանաչների թեկնածու Յաննիկ Ժադոն և այլք։
Ընտրացուցակներում, ըստ վիճակագրության, գրանցված է ավելի քան 48 միլիոն ֆրանսիացի։
