Քաղաքականություն
08.04.2022 | 12:50
ԵԱՀԿ նախագահությունը ողջունում է ապրիլի 6-ին Բրյուսելում կայացած ՀՀ վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի եռակողմ հանդիպումը։ Այս մասին տեղեկանում ենք ԵԱՀԿ Լեհաստանի նախագահության թվիթերյան գրառումից։
«ԵԱՀԿ նախագահությունը ողջունում է Հայաստանի և Ադրբեջանի ղեկավարների հանդիպումը Եվրոպական խորհրդի նախագահի հովանու ներքո և հնարավոր խաղաղության համաձայնագրի գործընթացի մեկնարկը։ Նախագահությունը պատրաստ է աջակցություն ցուցաբերել բոլոր ջանքերին, որոնք ուղղված են Հարավային Կովկասում կայուն և խաղաղ միջավայրի ապահովմանը»,- ասվում է գրառման մեջ։
Էմմա Չոբանյան
