28.06.2026 | 08:07
ԱԱ-2026. Հայտնի են 1/16 եզրափակիչի բոլոր զույգերը
Գուցե վատ կառավարումից է. Գեղամ Գևորգյանը՝ ձվի շուկայում տնտեսվարողի գործունեության դադարեցման մասին. ՏԵՍԱՆՅՈՒԹ
Տնտեսություն
08.04.2022 | 11:22
«Իրականությանը չեն համապատասխանում այն պնդումները, թե աշխարհում շաքարի գինը իջնում է, իսկ Հայաստանում՝ ոչ»,- ԱԺ-ում լրագրողների հետ զրույցում ասաց Մրցակցության պաշտպանության հանձնաժողովի նախագահ Գեղամ Գևորգյանը։
«Ընդամենը մի քանի օր առաջ հրապարակել էինք տարբեր պարենային մթերքների գներ, որտեղ հստակ ցույց էինք տալիս, որ և՛ դոլարի գնի իջեցման պարագայում է ապրանքի գինն իջել, և՛ աշխարհում ինքնարժեքի իջեցման պարագայում», – ասաց Գեղամ Գևորգյանը՝ հավելելով, որ օրինակ կարագի և ձեթի գներն իջել են:
Ինչ վերաբերում է հնդկաձավարի գնի բարձրացմանը, Գևորգյանն ասաց, թե աշխարհում պաշարի խնդիր կա, ինքնարժեքն է բարձրացել։
Անդրադառնալով ձվի շուկային՝ ՄՊՀ նախագահն նշեց, որ ձվի գնի իջեցումը տնտեսապես հիմնավոր չէր և հիմա կարծես թե կարգավորվել է:
Գևորգյանի խոսքով՝ եթե Հարության տոնին ընդառաջ չարաշահումներ լինեն, ապա կլինեն նաև պատասխանատվության ենթարկումներ։
«Մենք պարբերար զգուշացնում ենք, որ ընկերություններն այնպես անեն, որպեսզի գործը չհասնի վարույթների։ Մեզ հավաստիացրել են, որ խնդիր չի լինի», – ասաց Գեղամ Գևորգյանը։
Մանրամասները՝ տեսանյութում:
