16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
141 մլն դրամ՝ դատախազներին պարգևավճար բաժանելու համար
Քաղաքականություն
06.04.2022 | 23:36
Դատախազներին պարգևավճարներ բաժանելու համար կառավարությունը Գլխավոր դատախազությանը 141 մլն դրամ կհատկացնի:
Դատախազներին հավելավճար տալու հիմնավորումն այն է, որ կոռուպցիոն բնույթի քրեական գործեր քննող քննիչների և դատավորների համար օրենքով սահմանված են առավել բարենպաստ սոցիալական երաշխիքներ, իսկ ահա դատախազը, որն իրականացնում է նման բնույթի գործերի դատախազական հսկողություն, նման երաշխիքներ չունի:
Գլխավոր դատախազությունում կարծում են, որ ստեղծված իրավիճակը չի համապատասխանում օրինականության և սոցիալական արդարության սկզբունքներին:
Նշենք, որ 141 մլն դրամը ինն ամսվա պարգևավճարների համար է, իսկ մեկ տարվա համար այդ գումարը կազմում է 188 մլն դրամ: Թե քանի դատախազի պարգևավճար տալու մասին է խոսքը, նախագծում նշված չէ:
Կառավարությունն այս նախագիծը վաղը կընդունի առանց զեկուցելու:
Նարեկ Կիրակոսյան
