15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Ուկրաինայից մոտ 3000 հայ Լեհաստան է անցել․ դեսպան․ ՏԵՍԱՆՅՈՒԹ
Քաղաքականություն
05.04.2022 | 13:12
Այսօրվա դրությամբ՝ Ուկրաինայից շուրջ 2.4 մլն փախստական հատել է Լեհաստանի սահմանը։ Երևանում լրագրողների հետ հանդիպմանն այս մասին հայտնեց ՀՀ-ում Լեհաստանի դեսպան Պավել Չեպլակը։
«Անշուշտ, մեծ է ուկրաինացիների թիվը, որից հետո լեհերն են։ Հետաքրքրական է, որ երրորդ էթնիկ խումբն ուզբեկներն են եղել՝ շուրջ 7.800 մարդ»,- մանրամասնեց դեսպանը։
Ըստ Պավել Չեպլակի՝ Լեհաստան անցած փախստականների շարքում հայերը 11-րդ տեղում են՝ շուրջ 3.000 մարդ։
«Հայաստանի ԱԳ նախարարությունից տեղեկացել ենք, որ Վարշավայում և Բուխարեստում գործող ՀՀ դեսպանատներից դեսպանորդներ են գործուղվել, որոնք համակարգում են Ուկրաինայից հայերի տարհանման գործընթացը։ Հայտնի է նաև Լեհաստանում բնակվող հայերի կողմից աջակցությունն իրենց հայրենակիցներին ընդունելու գործում»,- հավելեց լեհ դիվանագետը։
Դեսպանը նաև նշեց, որ ներկայում դժվար է ասել, թե ինչ հետևանքներ կունենա Ուկրաինայում պատերազմը Լեհաստանի վրա, սակայն «վստահաբար կարելի է ասել, որ քաղաքական, հումանիտար և տնտեսական մեծ հետևանքներ է ունենալու»։
Մանրամասները՝ տեսանյութում։
