Քաղաքականություն
04.04.2022 | 21:02Ռուսաստանը մեծ փորձ ունի հաղթել բոլոր այն հանրաքվեներում, որոնք իր վերահսկողության տարածքներում են անցկացվում։ Քաղաքական վերլուծաբան Արմեն Հովհաննիսյանն այս զարգացման հավանականությունը տեսնում է նաև Արցախի պարագայում, որը դե ֆակտո ռուսական վերահսկողության տարածք է դարձել 44-օրյա պատերազմից հետո։
Տեղեկություններ են շրջանառվում, թե Արցախում կան ՌԴ-ին միանալու հարցով հանրաքվե անցկացնելու տրամադրություններ, թեև պաշտոնական կամ փորձագիտական շրջանակներն այդպիսի հանրաքվեի հավանականությունից չեն խոսել և հաստատված չէ այս տեղեկատվությունը պաշտոնական մակարդակում։
Միաժամանակ, փաստն այն է, որ վերջին տասնամյակներում անկախացել են կոնֆլիկտային գոտու վերածված այն միավորները, որոնք ունեցել են Արևմուտքի աջակցությունը՝ Կոսովոն օրինակ է։ Մինչդեռ ՌԴ-ի ազդեցության գոտիները՝ Հարավային Օսիան, Աբխազիան, Մերձդնեստրը, Լուգանսկը և Դոնեցկը, չեն անկախացել և աշխարհը մերժել է նրանց անջատման իրավունքը:
«Այն անկախությունը, որի մասին Ֆրանսիայի Սենատի ընդունած բանաձևում խոսվում է, և այն անկախությունը, որից խոսում է Ռուսաստանը, արտաքինից լիովին տարբեր բաներ են՝ հետևանքներով, էությամբ, կախվածության մասերով»,- Factor TV-ի հետ զրույցում նշում է Արմեն Հովհաննիսյանը։
Նա Ադրբեջանի՝ երկրորդ ճակատ բացելու շանտաժին ի պատասխան է համարում Ռուսաստանից հնչած՝ Ղարաբաղի անկախությունը ճանաչելու սպառնալիքը։
Հարցազրույցն ամբողջությամբ՝ տեսանյութում։
Ռոբերտ Անանյան
