19.12.2025 | 11:12
Մեկնարկել են «Fly Kish» ավիաընկերության Թեհրան-Երևան-Թեհրան երթուղով չվերթները
Գներն ավելի արագ են աճում, քան պետական աշխատավարձը․ որքա՞ն է կազմել միջին աշխատավարձը փետրվարին
Տնտեսություն
04.04.2022 | 17:45
Այս տարվա փետրվարին նախորդ տարվա նույն ամսվա համեմատ Հայաստանում միջին ամսական անվանական աշխատավարձն աճել է 7,8 տոկոսով։ Այս մասին Factor.am-ը տեղեկանում է Վիճակագրական կոմիտեի հրապարակած տվյալներից։
Այսպիսով՝ փետրվարին միջին ամսական անվանական աշխատավարձը կազմել է 206 հազար 511 դրամ: Նախորդ տարվա փետրվարին միջին ամսական անվանական աշխատավարձը կազմում էր 191 հազար 560 դրամ։
Նշենք, որ փետրվարին նախորդ տարվա նույն ամսվա համեմատ Հանրապետությունում գնաճը կազմել է 6,5 %, իսկ միայն սննդամթերքինը՝ 11,4 %։
Միջին ամսական անվանական աշխատավարձի աճը պետական ոլորտում գնաճի համեմատ ավելի դանդաղ է։ Այսպես․ փետրվարին պետական հատվածում միջին աշխատավարձը կազմել է 171 հազար 700 դրամ՝ նախորդ տարվա նույն ամսվա 166 հազար 860 դրամի փոխարեն։ 1 տարում աճը կազմել է 2,9 %:
Մասնավոր հատվածում միջին աշխատավարձի բարձրացումը գերազանցում է գնաճը։ Այսպես․ այս տարվա փետրվարին մասնավոր հատվածում միջին ամսական անվանական աշխատավաևձը կազմել է 222 հազար 450 դրամ՝ նախորդ տարվա նույն ամսվա 203 հազար 700 դրամի փոխարեն։ 1 տարում միջին աշխատավարձի աճը մասնավոր հատվածում կազմել է 9,2 %:
Անժելա Պողոսյան
