20.08.2026 | 23:01
«Նոան» նոր գլխավոր մարզիչ ունի
Ուկրաինան հայտարարել է, որ ռուսական զորքերը լքել են Չեռնոբիլի ատոմակայանի տարածքը
Քաղաքականություն
01.04.2022 | 11:40
Ուկրաինայի ատոմակայանների օպերատոր «Էներգոատոմը» հայտարարել է, որ ռուսական զորքերը լքել են Չեռնոբիլի ատոմակայանի տարածքը։ Գործակալությունն իր տելեգրամյան ալիքում հրապարակել է «հանձնման-ընդունման ակտի» լուսանկարը, որը կազմվել է, ինչպես ասում են, ռուսական զորքերի կողմից։
Այդ փաստաթղթում Ռուսաստանի կողմից զավթված Չեռնոբիլի ատոմակայանը անվանվում է «պահպանվող օբյեկտ», ինչպես նաև նշվում է, որ ուկրաինական կողմը «պահանջներ չունի» ռուս զինվորականներից։
«Վերջնականորեն հաստատելով Չեռնոբիլի ատոմակայանը լքելու մտադրությունը՝ օկուպանտները կազմել և ստորագրել են «Չեռնոբիլի ատոմակայանի պահակախմբի ընդունման ու հանձնման ակտը», – ասվում է հաղորդագրության մեջ։
Դրանում ասվում է, որ «պահպանվող օբյեկտի վարչակազմը պահանջներ չունի Ռուսաստանի Դաշնության Ազգային գվարդիայի զորքերից»։ Այնինչ՝ Ուկրաինայի կառավարության ներկայացուցիչները հայտարարել են, որ ներկայացված փաստաթուղթը կայանի աշխատակիցների կողմից ստորագրվել է ճնշման տակ։
Ըստ «Էներգոատոմի»՝ Չեռնոբիլի ատոմակայանից հեռանալիս ռուս զինվորականներն իրենց հետ տարել են Ուկրաինայի ազգային գվարդիայի զինծառայողներին, որոնց գերության մեջ էին պահում փետրվարի 24-ից, երբ կայանը գրավվել էր։
