16.01.2025 | 11:47
Մենք անընդհատ սխալվելու ենք. Փաշինյանը` կտրուկ փոփոխություններով արդյունքի հասնելու մասին․ ՏԵՍԱՆՅՈՒԹ
Ոստիկանությունը մեկ անձից 564 մլն դրամի գնում կկատարի
Քաղաքականություն
30.03.2022 | 21:43
Հայաստանի ոստիկանությունը կառավարությունից թույլտվություն է հայցում առանց մրցույթի 564 մլն 289 հազար դրամի գնում կատարելու համար: Որոշման նախագիծն ընդգրկված է կառավարության նիստի մարտի 30-ի օրակարգում:
Մեկ անձից 272 հազար դոլարի գնում կատարելու հնարավորություն գործադիրը ոստիկանությանը կտա չզեկուցվող նախագծով:
Ոստիկանությունն այս գումարով ձեռք է բերելու 400 հազար հատ հին նմուշի և 7736 հատ կենսաչափական անձնագրերի բլանկներ:
Որոշման նախագծում նշված է, որ ընթացիկ տարվա հատկացումները՝ 251 մլն դրամն, արդեն օգտագործվել են նախորդ տարի կնքված պայմանագրերով ստանձնած պարտավորությունները կատարելու նպատակով։
Այս տարվա մարտի մեկի դրությամբ տպագրված անձնագրերի հին նմուշի բլանկները՝ 69,535 հատ և կենսաչափական տարբերակի բլանկները՝ 2662 հատ, չեն բավականացնի մինչև տարեվերջի պահանջարկը:
Նարեկ Կիրակոսյան
