22.01.2026 | 12:25
Ամուսին ուսուցիչները փորձել են մեկը մյուսի փոխարեն ատեստավորման թեստը լրացնել, բացահայտվել է. նախարար․ ՏԵՍԱՆՅՈՒԹ
Սերժ Սարգսյանի տապալումը աշխարհաքաղաքականության հետ կապ չունի. Թոմաս դե Վաալ
24.04.2018 | 17:44
«Foreign Policy»-ում հրապարակված իր հոդվածում Քարնեգի համալսարանի վերլուծաբան Թոմաս դե Վաալ նշել է, որ վերջերս Հայաստանում Սերժ Սարգսյանի հրաժարականն անսպասելի էր նույնիսկ իրենց՝ ցուցարարների համար: Նա ցույցերի առաջնորդ Նիկոլ Փաշինյանին բնութագրում է, որպես մարդու, որը մեծ քաղաքականության մեջ գրեթե փորձ չունի, սակայն համարձակ է։
Վերլուծաբանը նշում է, որ դժվար է Հայաստանը բնութագրել. թեև այն փոքրիկ 3-միլիոնանոց երկիր է, սակայն սփյուռքը սփռված է Բոստոնից մինչև Բեյրութ, թեև այն Ռուսաստանի դաշնակիցն է, սակայն սերտորեն կապված է Քալիֆոռնիայի ու ԱՄՆ կոնգրեսի հետ՝ շնորհիվ հայկական սփյուռքի, թեև քրիստոնեական երկիր է, սակայն լավ հարաբերություններ ունի Իրանի հետ: Հայերը թեև աղքատ են, սակայն շատ կրթված են, և թեև նրանց քաղաքական համակարգն ավտորիտար չէ, սակայն ժողովրդավարական էլ չէ:
«Չարժե սպասել, որ սա կբերի Հայաստանի սահմաններից դուրս աշխարհաքաղաքական հետևանքների, և պետք չէ իրավիճակը դիտարկել որպես Ռուսաստանի դերի նվազման ազդակ կամ որպես Մոսկվայի հնարավոր միջամտություն: Սարգսյանի տապալումը աշխարհաքաղաքականության հետ կապ չունի: Լավագույն դեպքում սա այն բանի նշանն է, որ հետխորհրդային ռեժիմներն այնքան էլ անվտանգ չեն, ինչպես թվում են հեռվից, և որ տարածաշրջանի հին ռեժիմները կարող են կործանվել խաղաղ ճանապարհով՝ առանց դրսից որևէ դրդման»,- նշում է վերլուծաբանը:
