16.01.2025 | 14:35
Հայաստանի ֆիզիկական կուլտուրայի և սպորտի պետական ինստիտուտի ռեկտորի ընտրության արդյունքները հաստատվեցին
Ազդարարման տասը դեպքով հարուցվել է քրեական գործ․ Գոռ Աբրահամյան
Հասարակություն
30.03.2022 | 16:55
ՀՀ գլխավոր դատախազի խորհրդական Գոռ Աբարահամյանը ֆեյսբուքի իր էջում արված գրառմամբ անդրադարձել է ազդարարումների հիման վրա քրեական գործերի հարուցմանը։
«Տեղեկացնեմ, որ 2021թ. ընթացքում արձանագրվել է ազդարարման համակարգով ստացված ազդարարումների թվի նվազում, սակայն զգալիորեն աճել է ազդարարումների հիման վրա քրեական գործերի հարուցման տեսակարար կշիռը։
Մասնավորապես՝ նշված ժամանակահատվածում ՀՀ գլխավոր դատախազությունում ազդարարման համակարգի միջոցով ստացվել է 75 ազդարարում (2020թ.՝ 140): Դրանցից 68-ը վերաբերել են առերևույթ կոռուպցիոն բնույթի դեպքերին:
Նշված 75 ազդարարումներից 70-ը եղել են անանուն:
59-ով հարուցվել է ազդարարման վարույթ, 16-ով մերժվել է վարույթի հարուցումը:
Հարուցված ազդարարման վարույթներից 32-ով վարույթը կարճվել է:
47 ազդարարում ուղարկվել է օպերատիվ-հետախուզական մարմին՝ դրանցում ներկայացված տվյալենրը, հանգամանքներն ստուգելու համար:
Արդյունքում 10 ազդարարման դեպքով հարուցվել է քրեական գործ: 2020թ. ազդարարման վարույթով 1 քրեական գործ էր հարուցվել:
Այս տվալները փաստում են, որ առկա է հանցագործությունների վերաբերյալ տվյալների արժանահավատության, փաստարկվածության, կոնկրետության տեսանկյունից արվող ազդարարումների որակական բարելավման միտում»,- ասված է հաղորդագրությունում։
