Հասարակություն
29.03.2022 | 18:33
Արտակարգ իրավիճակների նախարար Անդրանիկ Փիլոյանն իր ամենամյա արձակուրդի երկրորդ օրն անցնացնում է Հակակոռուպցիոն կոմիտեում։ Factor.am-ի տեղեկություններով՝ Փիլոյանն այս պահին հարցաքննվում է Հակակոռուպցիոն կոմիտեում։ Թե կոնկրետ որ քրեական գործի շրջանակներում է նախարարը քննչական բաժնում, գերատեսչությունը տեղեկություններ չի հայտնում։
Հիշեցնենք՝ երեկ իրավապահները խուզարկություն են իրականացրել ՀՀ Արտակարգ իրավիճակների նախարարությունում։ Տեղեկությունը Factor.am-ի հետ զրույցում հաստատել էր Հակակոռուպցիոն կոմիտեի խոսնակ Մարինա Օհանջանյանը:
«Քննչական գործողություններն իրականացվում են Կոմիտեում քննվող քրեական գործի շրջանակում։ Այլ տեղեկատվություն այս պահին չեմ կարող տրամադրել՝ նախաքննության շահերից ելնելով»,- նշեց Օհանջանյանը։
Ավելի ուշ հայտնի դարձավ, որ վարչապետ Նիկոլ Փաշինյանի որոշմամբ՝ ԱԻ նախարար Անդրանիկ Փիլոյանին տրամադրվել է երկշաբաթյա արձակուրդ։ Այս պահին նրան փոխարինում է ՀՀ արտակարգ իրավիճակների նախարարի առաջին տեղակալ Արմեն Փամբուխչյանը։
Ռոզա Վարդանյան
