08.06.2026 | 10:04
Ամփոփվել են 2005 ընտրատեղամասերից ստացված նախնական արդյունքները. ԿԸՀ
ՌԴ-ի դեմ պատժամիջոցները չեղարկելու համար Ուկրաինայի հետ հրադադարի համաձայնագիրը բավարար չի լինի․ Բորիս Ջոնսոն
Քաղաքականություն
29.03.2022 | 21:51
Ռուսաստանի դեմ Մեծ Բրիտանիայի պատժամիջոցները չեղարկելու համար Ուկրաինայի հետ հրադադարի համաձայնագիրը բավարար չի լինի։ Այս մասին այսօր թագավորության նախարարների հետ հանդիպմանը հայտարարել է Մեծ Բրիտանիայի վարչապետ Բորիս Ջոնսոնը, գրում է Reuters-ը։
«Նա ասաց, որ Պուտինի վրա ճնշումը պետք է մեծացվի ինչպես հետագա տնտեսական միջոցների, այնպես էլ ռազմական օգնության (Ուկրաինային) տրամադրման միջոցով, որպեսզի Ռուսաստանը լիովին փոխի իր կուրսը»,- լրագրողներին Մեծ Բրիտանիայի վարչապետի խոսքերն է փոխանցել նրա ներկայացուցիչը։
Հիշեցնենք, որ այսօր Ստամբուլում տեղի է ունեցել ՌԴ-ի և Ուկրաինայի պատվիրակությունների հանդիպումը, որոնց ընթացքում Ուկրաինան ռուսական կողմին է փոխանցել երկրի անվտանգության վերաբերյալ իր պայմանները։ Հանդիպումից հետո ՌԴ ՊՆ-ն հայտարարել է Կիևի և Չեռնիգովի ուղղություններով ռազմական ակտիվությունը նվազեցնելու մասին:
Տաթև Ֆռանգյան
