05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
ԵԱՀԿ գործող նախագահը կայցելի Հայաստան, Ադրբեջան և Վրաստան
Քաղաքականություն
28.03.2022 | 23:31
ԵԱՀԿ գործող նախագահ, Լեհաստանի արտգործնախարար Զբիգնև Ռաուն մարտի 29-ից ապրիլի 1-ը կայցելի Վրաստան, Ադրբեջան և Հայաստան։ Այս մասին հաղորդում է «Գրուզիա օնլայն»-ը։
Ըստ ԵԱՀԿ-ի՝ Հայաստանում Զբիգնև Ռաուն կհանդիպի նախագահ Վահագն Խաչատրյանի, վարչապետ Նիկոլ Փաշինյանի և արտգործնախարար Արարատ Միրզոյանի հետ։
Վրաստան կատարելիք այցի ընթացքում Ռաուն կհանդիպի նախագահ Սալոմե Զուրաբիշվիլիի, վարչապետ Իրակլի Ղարիբաշվիլիի, փոխվարչապետ և արտաքին գործերի նախարար Դավիթ Զալկալիանիի և խորհրդարանի առաջին փոխխոսնակ Գիա Վոլսկու հետ։
Ինչ վերաբերում է Ադրբեջան այցին, ապա նախատեսվում են ԵԱՀԿ գործող նախագահի հանդիպումները նախագահ Իլհամ Ալիեւի և արտգործնախարար Ջեյհուն Բայրամովի հետ։
Նշվում է, որ Զբիգնև Ռաուի հարավկովկասյան շրջագայությունը կկենտրոնանա խաղաղ համագործակցության, երկխոսության և կայունության զարգացման վրա։
