21.08.2026 | 12:03
46-ամյա Ռոնալդինյոն վերսկսում է կարիերան
ԱԺ-ին 30 օր է անհրաժեշտ հաշվելու համար, թե Բալիում Ալեն Սիմոնյանի գլխավորած պատվիրակությունը որքան գումար է ծախսել
Քաղաքականություն
28.03.2022 | 22:30
Հայաստանի խորհրդարանի աշխատակազմից հինգ օրում դժվարացնել են հայտնել, թե Ալեն Սիմոնյանի գլխավորած պատվիրակությունը Բալիում պետական բյուջեից որքան գումար է ծախսել։
Factor.am-ի գրավոր հարցմանն ի պատասխան Ազգային ժողովի աշխատակազմից հայտնել են, որ տեղեկատվությունը տրամադրելու համար լրացուցիչ ժամանակ է անհրաժեշտ և այն կտրամադրեն 30 օրվա ընթացքում։
«Ղեկավարվելով «Տեղեկատվության ազատության մասին» ՀՀ օրենքի 9-րդ հոդվածի 7-րդ մասի 3-րդ կետով՝ տեղեկացնում ենք, որ Ձեր հարցման պատասխանը կտրամադրվի մինչև ս․թ․ ապրիլի 20-ը»,- փոխանցել են մեր գրավոր հարցմանն ի պատասխան։
Հիշեցնենք` Ալեն Սիմոնյանը բացառապես իշխանական՝ Քաղաքացիական պայմանագիր խմբակցության պատգամավորներից և ԱԺ աշխատակազմից բաղկացած պատվիրակությամբ Բալի էր մեկնել մարտի 18-23-ը։ ՔՊ խմբակցությունից Բալի էին մեկնել Ծովինար Վարդանյանը և Հասմիկ Հակոբյանը։
11 հոգուց բաղկացած պատվիրակությունը մասնակցում էր Ինդոնեզիայի Բալի կղզում կազմակերպված Միջխորհրդարանական միության 144-րդ վեհաժողովին։
Factor.am-ը վերջերս անդրադարձել էր Ալեն Սիմոնյանի գլխավորած պատվիրակության ԱՄՆ կատարած այցին եւ հայտնել, որ այդ այցելության համար պետական բյուջեից ծախսվել է 3,3 մլն դրամ։
Նարեկ Կիրակոսյան
