29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Փաշինյանի որոշմամբ՝ ԱԻ նախարարը 2 շաբաթ արձակուրդում կգտնվի
28.03.2022 | 20:50
Նիկոլ Փաշինյանը որոշում է ստորագրել, համաձայն որի՝ ԱԻ նախարար Անդրանիկ Փիլոյանին տրամադրվում է արձակուրդ 2 շաբաթ ժամկետով։
«Հայաստանի Հանրապետության արտակարգ իրավիճակների նախարար Անդրանիկ Փիլոյանին տրամադրել 2020-2021 թվականների աշխատանքային տարվա ամենամյա արձակուրդը՝ 14 աշխատանքային օր տևողությամբ՝ 2022 թվականի մարտի 28-ից ապրիլի 14-ը ներառյալ:
Անդրանիկ Փիլոյանի արձակուրդում գտնվելու ընթացքում վերջինիս կփոխարինի Հայաստանի Հանրապետության արտակարգ իրավիճակների նախարարի առաջին տեղակալ Արմեն Փամբուխչյանը»,-ասված է որոշման մեջ:
Հիշեցնենք, որ այսօր իրավապահները խուզարկություն են իրականացրել ՀՀ Արտակարգ իրավիճակների նախարարությունում։
«Քննչական գործողություններն իրականացվում են Կոմիտեում քննվող քրեական գործի շրջանակում։ Այլ տեղեկատվություն այս պահին չեմ կարող տրամադրել՝ նախաքննության շահերից ելնելով»,-մեզ հետ զրույցում ասել էր Հակակոռուպցիոն կոմիտեի խոսնակ Մարինա Օհանջանյանը:
