19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
ԵՄ-ն ամենաբարձր մակարդակով ներգրավված է իրավիճակի դեէսկալացիայի և տեղում խաղաղ միջավայր վերադառնալու գործընթացում. Տոյվո Կլաար
Քաղաքականություն
26.03.2022 | 20:22
«Իսկապես, ես մեծ մտահոգությամբ եմ հետևել շփման գծում տեղի ունեցող վերջին միջադեպերին, խորապես վշտացած եմ նոր զոհերի մասին հաղորդագրություններից»,- Արցախում եղած վերջին լարվածության, ստեղծված իրավիճակի վերաբերյալ հարցմանը Factor.am-ին այսպես է արձագանքել Հարավային Կովկասում և Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարը։
«Ցանկանում եմ իմ ցավակցությունը հայտնել զոհվածների ընտանիքներին, իսկ վիրավորներին ցանկանում եմ շուտափույթ ապաքինում»,- նշել է ԵՄ ներկայացուցիչը։
Կլաարը հաստատել է՝ վերջին մի քանի օրերի ընթացքում շփվել է Հայաստանի և Ադրբեջանի բարձրաստիճան պաշտոնյաների հետ։
«ԵՄ-ն ամենաբարձր մակարդակով ներգրավված է իրավիճակի դեէսկալացիայի և տեղում խաղաղ միջավայր վերադառնալու գործընթացում»,-եզրափակեց նա։
Հիշեցնենք՝ մարտի 25-ին Ադրբեջանի կողմի սադրանքի հետևանքով հայկական կողմից զոհվել է 3 զինծառայող, ևս 15-ը վիրավորվել է։ Այսօր՝ ժամը 11:00-ի սահմաններում, Ադրբեջանի ԶՈւ ստորաբաժանումները կրկին դիմել են ագրեսիվ գործողությունների` տարբեր տրամաչափի հրաձգային զինատեսակների կիրառմամբ փորձելով առաջխաղացում ապահովել Արցախի Հանրապետության արևելյան սահմանագոտու ուղղությամբ, ՌԴ խաղաղապահ զորակազմի պատասխանատվության տակ գտնվող տարածքում: ԱՀ ՊԲ ստորաբաժանումները դիմել են համարժեք գործողությունների` հակառակորդի առաջխաղացումը կասեցնելու նպատակով։
Հռիփսիմե Հովհաննիսյան
