14.01.2026 | 14:26
Արսեն Հարությունյանը նշել է՝ ում հետ կցանկանար անցկացնել սուպերգոտեմարտ․ ԼՈՒՍԱՆԿԱՐ
Հարցեր են առաջանում` ինչո՞ւ ռուսական կողմը չի արդարացնում հայկական կողմի ակնկալիքները. Աղաջանյան․ ՏԵՍԱՆՅՈՒԹ
Քաղաքականություն
25.03.2022 | 15:51
Մարտի 24-25-ի իրադարձությունների հետևանքով Ադրբեջանի վերահսկողության տակ անցած տարածքները գտնվել են Ռուսաստանի Դաշնության պատասխանատվության գոտում. այսօր հրավիրված ասուլիսի ժամանակ այս մասին հայտարարեց Հայաստանի Ազգային ժողովի արտաքին հարաբերությունների մշտական հանձնաժողովի նախագահ Էդուարդ Աղաջանյանը:
Ըստ պատգամավորի՝ հայկական կողմը միշտ գործընկերային է եղել Ռուսաստանի հետ բոլոր մակարդակներում և հատկապես Արցախի շուրջ ստեղծված իրավիճակում:
«Եռակողմ հայտարարության արդյունքում տվյալ տարածքում ՌԴ-ն հանդիսանում է հայ բնակչության երաշխավորը, և օբյեկտիվ հարցեր են առաջանում, թե ինչու ռուսական կողմը չի արդարացնում հայ հասարակության և պաշտոնական շրջանակների ակնկալիքները:
Մինչև այս պահը ռուսական կողմից որևէ պաշտոնական դիրքորոշում չկա ստեղծված իրավիճակի վերաբերյալ, մենք ակնկալում ենք, որ մոտ ապագայում կլինի: Ցանկալի է, որ այդ դիրքորոշումից և իրավիճակի գործնական լուծումից հետո ադրբեջանական զինված ուժերը վերադառնան այն ելակետերը, որտեղից սկսվել է այս գործընթացը:
Հարցը հետևյալն է՝ արդյո՞ք ռուսական կողմը պահանջում է ադրբեջանական կողմից վերադառնալ ելման կետեր, թե ոչ, ըստ էության, սա ամենակարևոր հարցն է: Հայկական կողմի շահերից է բխում, որ ռուս խաղաղապահները ապահովեն արցախահայության անվտանգությունը և թույլ չտան սադրանքներ: Հայկական կողմը պատրաստ է անել առավելագույնը և ցանկացած ձևաչափով աջակցել խաղաղապահներին, որ սադրանքներ տեղի չունենան»,- նշեց Աղաջանյանը:
Մանրամասները՝ տեսանյութում:
