16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ինչ սպասել Փաշինյան-Ալիև առաջիկա հանդիպումից՝ ադրբեջանական գազային շանտաժի ֆոնին․ ՏԵՍԱՆՅՈւԹ
Քաղաքականություն
23.03.2022 | 20:37
Բրյուսելում շուրջ 3 ամիս առաջ կայացած Փաշինյան-Ալիև հանդիպումից հետո ապրիլին տեղի կունենա երկու երկրների ղեկավարների ևս մեկ հանդիպում: Նախնական տեղեկություններով՝ Փաշինյանն աշխատանքային այցով Եվրոպա կմեկնի ապրիլի 6-ին: Հանդիպումն, ինչպես նախորդ, այնպես էլ այս անգամ նախաձեռնել է Եվրոպական խորհրդի նախագահ Շառ Միշելը: Պաշտոնական Երևանը Փաշինյան-Ալիև հանդիպման օրակարգը դեռ չի գաղտնազերծում, մինչդեռ, իշխող ՔՊ խմբակցությունից փոխանցում են՝ Հայաստանի ու Ադրբեջանի ղեկավարները Բրյուսելում հանդիպում են հայտնի օրակարգով:
Քաղաքագետ Ստեփան Գրիգորյանի համոզմամբ՝ Արևմուտքի միջնորդությամբ Փաշինյան-Ալիև ցանկացած հանդիպում դրական արդյունքեր է ունենալու Հայաստանի համար: Իսկ քաղաքագետ Տիգրան Գրիգորյանը բրյուսելյան հանդիպումից մեծ առաջընթաց չի ակնկալում:
Ընդդիմադիր «Հայաստան» խմբակցության ներկայացուցիչ Արմեն Ռուստամյանը ևս Փաշինյան-Ալիև հանդիպումից հայանպաստ մեծ ակնկալիքներ չունի, նրա համար տեսանելի չեն իշխանություններին վարած արտաքին քաղաքականության հայեցակարգերը:
Երևանում փորձագիտական շրջանակներն այնքան էլ իրատեսական չեն համարում Բրյուսելում նոր փաստաթղթի ստորագրումը: Հավանականությունը մեծ է, որ հանդիպման ավարտին կլինի միայն Եվրոպական խորհրդի նախագահ Շառ Միշելի հայտարարությունը, ինչպես նախորդ անգամ:
Մանրամասները՝ տեսանյութում։
Նարեկ Կիրակոսյան
