Քաղաքականություն
23.03.2022 | 15:35
ԵՄ-ն անհանգստացած է Ստեփանակերտում գազի մատակարարումների խափանման մասին հաղորդումներով․ այս մասին ասվում է ԵՄ արտաքին հարաբերությունների ու անվտանգության քաղաքականության հարցերով գլխավոր խոսնակ Պետեր Ստանոյի հայտարարության մեջ։
«Մարտի 8-ին գազի մատակարարման առաջին ընդհատումից հետո ԵՄ-ն խրախուսեց Ադրբեջանի ակտիվ ներգրավվածությունը այդ հարցում, ինչը հանգեցրեց վերանորոգման աշխատանքների մեկնարկին և մարտի 19-ին գազի մատակարարման վերականգնմանը: Հրատապ անհրաժեշտություն է՝ ապահովել տուժած բնակչության գազամատակարարումը, հատկապես վատ եղանակային պայմանների համատեքստում։ ԵՄ-ն կոչ է անում գազատարը վերահսկող իշխանություններին դա թույլ տալ»,-ասվում է հայտարարության մեջ։
Բացի այդ, նշվում է նաև, որ ԵՄ-ն ուշադրությամբ հետևում է տարածաշրջանում այս ու այլ զարգացումներին և շարունակելու է իր ներգրավվածությունը Հարավային Կովկասում կայուն խաղաղության և կայունության հասնելու գործում:
Էմմա Չոբանյան
