27.12.2025 | 19:00
32 անշարժ գույք և 312 մլն դրամ եկամուտ․ ինչ է հայտարարագրել Հայկ Մարությանը
Արտահանողները կկարողանան հայկական դրամով ապրանքը վաճառել ռուս գործընկերներին․ Քերոբյան․ ՏԵՍԱՆՅՈՒԹ
Տնտեսություն
23.03.2022 | 12:34
«Կառավարության որոշման նախագծով փորձելու ենք թթվածին տալ արտահանող ընկերություններին, որպեսզի կանխիկի հոսքերի ժամանակավոր խզման հետ կապված խնդիրը կարողանան վերացնել»,- ԱԺ-ում կառավարության կողմից ներկայացված «Պետական տուրքի մասին» օրենքում փոփոխություն կատարելու մասին օրենքի նախագծի քննարկման ժամանակ նշեց ՀՀ էկոնոմիկայի նախարար Վահան Քերոբյանը:
Նրա խոսքով՝ փոփոխություններ կատարելը պայմանավորած է փոքր և միջին ձեռնարկատիրական գործունեության իրականացման ընթացքում ապրանքների արտահանման գործընթացը պարզեցնելու անհրաժեշտությամբ։ Նախագծով նախատեսվում է հնարավորություն ընձեռել տնտեսվարող սուբյեկտներին չվճարել մեկ փոխադրողից մեկ ստացողին մեկ տրանսպորտային փաստաթղթով Հայաստանի Հանրապետության սահմանով արտահանվող ընդհանուր մաքսային արժեքը 1 միլիոն դրամը չգերազանցող գումարի չափով ապրանքները:
«Այսօր արտահանողների մեծ մասը մեծ ռիսկ է տեսնում ռուսական ռուբլով արտահանումների հետ կապված: ՀՀ Էկոնոմիկայի նախարարությունն ու ԿԲ-ն և ՌԴ մեր գործընկեր նախարարությունները և ԿԲ-ն իրար հետ աշխատում են, որպեսզի կարողանանք ռուբլի – դրամ սվոփ կնքել, որի արդյունքում հայաստանյան արտահանողները կկարողանան հայկական դրամով գնանշել իրենց ապրանքը և ՌԴ արտահանվող ապրանքը վաճառել դրամով: Դրանով կկարողանանք նվազեցնել ռիսկերը: Աշխատանքներն ընթացքի մեջ են, հաջորդ շաբաթ, կարծում եմ, որոշ որոշումներ ուժի մեջ կմտնեն»,- նշեց Քերոբյանը:
Մանրամասները՝ տեսանյութում:
