26.06.2026 | 11:44
Ի՞նչ եք ակնկալում ինձնից. ընտրությունների վիճարկման գործով զեկուցող դատավոր Էդգար Շաթիրյան․ ՏԵՍԱՆՅՈՒԹ
Կրամատորսկի հայ համայնքի ներկայացուցիչներին տարհանում են քաղաքից
Քաղաքականություն
22.03.2022 | 22:13
Կրամատորսկի հայ համայնքի ներկայացուցիչները, մնացյալ բնակիչների հետ միասին, աստիճանաբար տարհանվում են գնդակոծության տակ գտնվող քաղաքից։ Այս մասին AnalitikaUA.net-ին ասել է համայնքի ներկայացուցիչ Վահե Մամիկոնյանը։
Նրա խոսքով՝ ֆոսֆորային զենքով գնդակոծությունը տեղի է ունեցել առավոտյան, այս պահին քաղաքը նույնպես ուժեղ գնդակոծության տակ է։
«Համայնքի բոլոր ներկայացուցիչները, ովքեր ցանկանում են տարհանվել, մնացած բնակիչների հետ միասին աստիճանաբար քաղաքից դուրս են բերվում ավելի ապահով շրջաններ, սակայն համայնքի հիմնական մասը դեռ քաղաքում է։ Իշխանություններն առավելագույնս կազմակերպում են տարհանման հնարավորությունը։ Քաղաքից պարբերաբար 2 գնացք է շարժվում դեպի Ուկրաինայի արևմուտք, իսկ էլեկտրագնացքները դեպի Լոզովա»,- ասաց Մամիկոնյանը։
Այսօր առավոտյան հայտնի է դարձել, որ ռուսական ԶՈւ-ն Կրամատորսկում օգտագործել է ֆոսֆորային զինամթերք։
Ավելի վաղ հաղորդվել էր, որ Ուկրաինայի հայերը չեն դադարում օգնել պաշարված Մարիուպոլի բնակիչներին։
