06.06.2026 | 10:42
«Պիտի մինիմում մե 10 ձեն բերե». ՀԿԿ-ն նոր գաղտնալսում է հրապարակել
Հնարավոր է՝ Ադրբեջանը հարձակվի ՀՀ-ի և Արցախի վրա, եթե տեսնի, որ իր համար նպաստավոր վիճակ է. Մելքոնյան․ ՏԵՍԱՆՅՈՒԹ
Քաղաքականություն
21.03.2022 | 18:00
«Ծառայողական քննություն է տեղի ունենում՝ պարզելու, թե ինչ պայմաներում և ինչպես է ստացվել, որ այդպիսի դեպքեր են գրանցվել: Հիմնականում կանոնակարգը խախտելու հետևանք է դա, այդպիսի դեպքեր միշտ էլ եղել են»,- այս մասին Factor.am—ի հետ զրույցում նշեց «Քաղաքացիական պայմանագիր» խմբակցության պատգամավոր Գագիկ Մելքոնյանը՝ անդրադառնալով դիտարկմանը, որ խաղաղ օրերում էլ ենք բանակում զոհեր ունենում:
Պատգամավորը նշեց, որ նախատեսվում են բարեփոխումներ իրականացնել բանակում. «Մշակվել է փաթեթ, քննարկումներ են սկսվել, հաջորդ քննարկմանը եզրակացություններ և առաջարկներ կներկայացվեն»:
Անդրադառնալով հարցին, թե ստեղված իրավիճակում, ռուս-ուկրաինական հակամարտությամբ պայմանավորված, արդյո՞ք նոր վտանգներ են առաջացել, և հնարավո՞ր է Ադրբեջանը, օգտվելով իրավիճակից, ռազմական գործողություններ սկսի Արցախի կամ Հայաստանի դեմ, Մելքոնյանը պատասխանեց. «Ռուս – ուկրաինական պատերազմը ռուս – ամերիկյան պատերազմ է. սա մեծ երկրների պատերազմ է, և Հայաստանը պետք է զգույշ լինի, որպեսզի ոտնատակ չլինի: Իհարկե, Ադրբեջանը հնարավոր է հարձակվի թե՛ Արցախի, թե՛ Հայաստանի վրա, եթե տեսնի, որ իր համար նպաստավոր վիճակ է: Չեզոք մնալը հիմա մեզ ձեռնտու է»:
Մանրամասները՝ տեսանյութում:
