14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Եթե որևէ տնտեսվարող ապրանքի գինն անհիմն բարձրացնի, արձագանք կլինի դրան. Տիգրան Խաչատրյան․ ՏԵՍԱՆՅՈՒԹ
Տնտեսություն
21.03.2022 | 14:25
2022թ․-ի տարեվերջին ՀՀ-ում կանխատեսվում է մոտ 5,5% գնաճ՝ փոքր շեղումներով։ Այս մասին այսօր խորհրդարանում լրագրողների հետ ճեպազրույցում հայտնեց ՀՀ ֆինանսների նախարար Տիգրան Խաչատրյանը։ Նրա խոսքով՝ սննդամթերքի և էներգակիրների հնարավոր գնային փոփոխություններով պայմանավորված՝ գնաճի միտումները կլինեն կառավարելի, և տարեվերջին կունենանք փաստացի գնաճ՝ մոտ 5,5%․ «Նկատի ունենանք, որ հիմա տեղի ունեցողը մի քիչ տարբեր է բնույթով և կապ ունի տարածաշրջանային անորոշությունների և մատակարարման շուկաների հետ։ Եթե ամիսներ անց հետ նայենք, կտեսնենք, որ խնդիրներից շատերն ինքնակարգավորվել են։ Կարող ենք միայն ասել, թե տարվա տեսանկյունից ինչ ենք մտածում։ Կենտրոնական բանկը պետք է հաջողությամբ հասնի նրան, ինչ սահմանել է օրենքը»։
«Եթե որևէ տնտեսվարող ապրանքի գինն անհիմն բարձրացնի, արձագանք կլինի դրան»,- ընդգծեց Տիգրան Խաչատրյանը:
Հարցին՝ ալյուրը, ձեթը, կարագը թանկացել են 10-20%-ով, այս մթերքների հետ կապված առանձին հաշվարկ կա՞ գնաճի առումով, բացի այդ՝ ի՞նչ է արվում, որ պարենի պակաս չլինի և չհանգեցնի հավելյալ գնաճի, Տիգրան Խաչատրյանը պատասխանեց, որ առանձին ապրանքների գնաճի հաշվարկն ընդհանուր հաշվարկում տեղ չունի․ «Եթե պարենային զամբյուղը կազմված է մի քանի ապրանքից, ապա հանրագումարն է հաշվի առնվում գնաճի ցուցանիշը որոշելիս, կարճ ժամանակում կարող է ազդեցություն ունենալ, բայց աշխարհի տեսանկյունից խոսքը վերաբերում է նաև որոշակի ապրանքատեսակների՝ առաջարկի և պահանջարկի անհավասարակշռությանը։ Հիմա աշխարհը բոլոր իրողությունները հաշվի է առնում։ Մեր աջակցության ծրագրերը հիմա նպաստում են, որ քաղաքացիները պարենային ապահովության հարցերին ավելի շատ ուշադրություն դարձնեն»:
Մանրամասները՝ տեսանյութում:
