21.08.2026 | 14:24
Պարո՛ն Ղազարյան, ճիշտ դիրք ունեք․ երբ ես խոսում եմ, Ձեր գլուխը պիտի կախ լինի․ Վիլեն Գաբրիելյան․ ՏԵՍԱՆՅՈՒԹ
ՌԴ-ն և Ուկրաինան մոտենում են համաձայնության կարևորագույն հարցերի շուրջ. Չավուշօղլու
Քաղաքականություն
20.03.2022 | 15:18
Թուրքիայի արտաքին գործերի նախարար Մևլութ Չավուշօղլուն ասել է, որ Ռուսաստանը և Ուկրաինան մոտենում են կարևորագույն հարցերի շուրջ համաձայնության և գրեթե համաձայնության են եկել որոշ հարցերի շուրջ։
Reuters-ի փոխանցմամբ՝ թուրք դիվանագետն այս մասին ասել է «Hurriyet» հրատարակությանը տված հարցազրույցում։
Չավուշօղլուն նաև նշել է, որ հրադադարի համաձայնագրի կնքման հույս ունի, եթե կողմերը հետ չկանգնեն համաձայնագրում ձեռք բերված առաջընթացից։
«Կարևոր և կրիտիկական հարցերի շուրջ երկու կողմերի դիրքորոշումները համընկնում են։ Մասնավորապես, տեսնում ենք, որ առաջին չորս կետերի շուրջ գրեթե համակարծիք են։ Որոշ հարցեր պետք է լուծվեն ղեկավարության մակարդակով»,- ասել է Չավուշօղլուն Hurriyet-ին տված հարցազրույցում։
Պատասխանելով Պուտինի և Զելենսկու հանդիպման հնարավորության մասին հարցին՝ թուրք դիվանագետը պատասխանել է, որ եթե խաղաղություն լինի, եթե համաձայնություն լինի, նրանք անպայման կհանդիպեն։
«Նրանք չեն բացառում նման հնարավորությունը։ Նրանք բացասաբար չեն վերաբերվում հանդիպմանը»,- ասել է Թուրքիայի արտգործնախարարը։
Թուրքիայի ԱԳ նախարարը շեշտել է, որ կարևոր է, որ ՌԴ և Ուկրաինայի նախագահները հանդիպեն՝ անկախ նրանից՝ դա կլինի Թուրքիայում է, թե որևէ այլ երկրում։ Միևնույն ժամանակ, Չավուշօղլուն ասել է, որ Թուրքիան պատրաստ է հյուրընկալել նրանց։
