28.03.2026 | 23:47
ՔՊ քվեարկություն․ առաջատար 10-յակը և ամենաքիչ ձայներ հավաքած թեկնածուն
ԵԽ-ն դադարեցրել է Բելառուսի հետ բոլոր հարաբերությունները
Քաղաքականություն
17.03.2022 | 21:20
Եվրոպայի Խորհրդի Նախարարների կոմիտեն որոշում է կայացրել դադարեցնել Բելառուսի հետ բոլոր հարաբերությունները Ուկրաինայում ստեղծված իրավիճակի պատճառով: Այս մասինտեղեկանում ենք ԵԽ պաշտոնական կայքում տեղադրված հայտարարությունից։
«Նախարարների կոմիտեն որոշել է դադարեցնել բոլոր հարաբերությունները Բելառուսի հետ՝ Ուկրաինայի դեմ Ռուսաստանի Դաշնության ագրեսիային երկրի ակտիվ մասնակցության պատճառով։
Նախարարների կոմիտեն իր որոշմամբ կասեցնում է Բելառուսի իրավունքները՝ մասնակցելու կազմակերպության բոլոր նիստերին և գործունեությանը:
Սա վերաբերում է նաև Բելառուսի մասնակցությանը Եվրոպայի խորհրդի, ներառյալ՝ Վենետիկի հանձնաժողովի, մասնակի համաձայնագրերին, սակայն դա չի վնասում Բելառուսի իրավունքներին՝ որպես միջազգային կոնվենցիաների պայմանագրային կողմ։
Կոմիտեն նաև որոշել է դադարեցնել նաև տեխնիկական համագործակցությունը Բելառուսի հետ», – ասված է հայտարարության մեջ:
Նշվում է, որ կոմիտեն որոշել է պահպանել և ամրապնդել հարաբերությունները Բելառուսի քաղաքացիական հասարակության և ընդդիմության հետ երկրի սահմաններից դուրս:
