19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Իրականում քանի գերի է պահվում Բաքվում․ իրավապաշտպանը՝ հայրենիք վերադարձվելու հեռանկարների մասին․ ՏԵՍԱՆՅՈւԹ
Քաղաքականություն
17.03.2022 | 20:02
44-օրյա պատերազմից մեկուկես տարի անց Ադրբեջանը դեռևս չի վերադարձրել բոլոր հայ ռազմագերիներին։ Այս պահին քանի՞ հայ գերի է շարունակում մնալ այդ երկրում։ Ադրբեջանը պաշտոնապես հաստատել է 38 ռազմագերիների առկայությունը, սակայն իրավապաշտպան Սիրանուշ Սահակյանի խոսքով՝ իր և գործընկերների կատարած ուսումնասիրությունները փաստում են՝ իրականում նրանց թիվը շատ ավելի մեծ է։
«Դեռևս ապացույցներով հիմնավորված 80 գերիների ճակատագիր շարունակում է անհայտ մնալ, և Ադրբեջանի իշխանությունն արդյունավետ չի գործակցում շուրջ 200 անհետ կորածների ճակատագիրը պարզելու ուղղությամբ»,- ասում է նա։
Սահակյանի գնահատմամբ՝ այս պահին ՀՀ իշխանության կողմից իրավիճակին համահունչ քայլեր չեն արվում՝ գերիների և անհետ կորածների խնդիրների լուծման ուղղությամբ։
Մյուս կողմից՝ Հայաստանը փորձում է Ադրբեջանի և Թուրքիայի հետ հարաբերություններ հաստատել։ Իրավապաշտպանը չի բացառում, որ հայ-ադրբեջանա-թուրքական հարաբերություններում դրական զարգացումների ֆոնին Ադրբեջանը կվերադարձնի այն գերիներին, որոնց պահվելը Բաքուն պաշտոնապես հաստատել է։
Մանրամասները՝ տեսանյութում։
Մերի Մարտիրոսյան
