07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Անհայտ անձինք հայտնել են Մոսկվա-Երևան չվերթի օդանավում ռումբի առկայության մասին
Քաղաքականություն
17.03.2022 | 18:59
Անհայտ անձինք հայտնել են Մոսկվայից Երևան թռչող օդանավում ռումբի սպառնալիքի մասին։ Այս մասին ՏԱՍՍ-ին հայտնել է իրավապահ մարմիններում սեփական աղբյուրը։
Մոսկվայի «Շերեմետևո» օդանավակայանի էլեկտրոնային փոստին անանուն հաղորդագրություն է ստացվել Մոսկվա-Երևան չվերթի օդանավում տեղադրված ռումբի մասին։ Օդանավի ստուգումը կիրականացվի ժամանման օդանավակայանում»,- ասել է գործակալության զրուցակիցը։
Նա, սակայն, չի հստակեցրել, թե Մոսկվայի ո՞ր օդանավակայանից է մեկնել օդանավը։
Flightradar24 ծառայության տվյալներով՝ այժմ օդում կա երկու օդանավ, որոնք ուղևորվում են դեպի Երևան՝ «Դոմոդեդովո»-ից և «Վնուկովո»-ից։ Դրանցից ոչ մեկը տագնապի ահազանգ չի հնչեցրել։ Մարտի 17-ին «Շերեմետևո»-ից Երևան չվերթներ չկան։
Տաթև Ֆռանգյան
