Քաղաքականություն
17.03.2022 | 12:41
ԱՄՆ նախագահ Ջո Բայդենը Ռուսաստանի նախագահ Վլադիմիր Պուտինին անվանել է «ռազմական հանցագործ»։ Լրագրողների հետ զրույցում Ջո Բայդենին հարցրել են Վլադիմիր Պուտինի մասին, ինչին ի պատասխան ԱՄՆ նախագահը թափահարել է ձեռքն ու ասել՝ «կարծում եմ, նա ռազմական հանցագործ է»։
CNN-ը նշում է, որ ԱՄՆ վարչակազմի դիրքորոշման նման փոփոխությունը տեղի ունեցավ ԱՄՆ Կոնգրեսին Ուկրաինայի նախագահ Վլադիմիր Զելենսկու հուզական ուղերձից հետո։ Զելենսկին իր ելույթի ընթացքում ցուցադրել էր տեսանյութ, որում երևում է, թե ինչպես են ուկրաինացիները տառապում Ռուսաստանի վրա հարձակման հետևանքով: Զելենսկին ամերիկացի օրենսդիրներից և Բայդենից ավելի շատ օգնություն է խնդրել պաշտպանվելու համար, ներառյալ՝ կործանիչներ ու ոչ թռիչքային գոտու սահմանում։
«Մենք տեղեկություններ ունենք, որ ռուսական ուժերը Մարիուպոլի ամենամեծ հիվանդանոցում պատանդ են պահում հարյուրավոր բժիշկների և հիվանդների»,- ասել է Բայդենը։ «Սրանք վայրագություններ են, և աշխարհի վրդովմունքն են հարուցում: Աշխարհը միասնական է Ուկրաինային մեր աջակցության հարցում և Պուտինը շատ ծանր գին է վճարելու»։
Հիշեցնենք, որ ավելի վաղ ԱՄՆ Սենատը բանաձև էր ընդունել, որով ՌԴ նախագահ Վլադիմիր Պուտինին միաձայն դատապարտել է որպես ռազմական հանցագործի։
