16.09.2026 | 19:50
Նիժնի Տապըռի գեղ եք ուզում, որ ոնց ուզեք՝ ձեր «Մայբախ»-ները քշեք. Փաշինյան
«Գոլդեն Փելես»-ի մրցույթին միայն մեկ ընկերություն է դիմել, որն էլ հաղթող է ճանաչվել
Տնտեսություն
16.03.2022 | 20:25
Ծաղկաձորի «Գոլդեն Փելես» հյուրանոցի վաճառքի համար հայտարարված մրցույթին փաստացի մասնակցել է մեկ կազմակերպություն, որը ներկայացրել էր համապատասխան գնային առաջարկ և ներդրումային ծրագիր։ Այս մասին այսօր խորհրդարանում Factor TV-ի հարցին ի պատասխան՝ ասաց Պետական գույքի կառավարման կոմիտեի նախագահ Առնակ Ավետիսյանը։
«Արդյունքում հաղթող ճանաչվեց այդ մեկ ընկերությունը, երկրորդ մասնակից չկար, ավելի լավ առաջարկ չկար։ Հետևաբար՝ ստացվեց այնպես, որ հաղթող ճանաչվեց այդ միակ առաջարկը»,- ասաց Ավետիսյանը։
Հիշեցնենք՝ հյուրանոցը վաճառվել է այս տարվա փետրվարի 11-ին՝ 5 մլրդ դրամով։ Գնորդն ալյուրի, ձվի արտադրությամբ, շինանյութերի մեծածախ առևտրով և բեռնափոխադրումներով զբաղվող «Պրոյեկտ ինտեր-ինվեստ» ընկերությունն է, որը ղեկավարում է երիտասարդ գործարար Նարեկ Նալբանդյանը։
Մարտի 11-ին էլ հայտնի դարձավ, որ նախկին վարչապետ Հովիկ Աբրահամյանին հաջողվել է վաճառել Մոնումենտում կառուցած շքեղ առանձնատունը, թեև Գլխավոր դատախազությունը դեռ երկու տարի առաջ արգելել էր Կադաստրի կոմիտեին դրա շուրջ որևէ գործարք կատարել։ 5 մլն դոլարանոց առանձնատունը ձեռք է բերել դարձյալ նույն գործարարը։
Մերի Մարտիրոսյան
