11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Այդպիսի մայր կա՞, որն ուզում է՝ որդին պատերազմ գնա, Հայաստանի մեծ մասը խաղաղություն է ուզում. Պապոյան․ ՏԵՍԱՆՅՈՒԹ
Քաղաքականություն
16.03.2022 | 16:51
«Արցախում խնդիրներ, իհարկե, կան: Մինչ ընդդիմության այնտեղ գնալը, մենք տասնյակ հանդիպումներ, բանակցություններ, քննարկումներ ենք ունեցել: Ընդդիմության արձանագրումները երբեմն ավելի ուռճացված են»,- այս մասին Factor.am-ի հետ զրույցում նշեց «Քաղաքացիական պայմանագիր» խմբակցութան պատգամավոր Գևորգ Պապոյանը՝ անդրադառնաով դիտարկմանը, որ Արցախում հումանիտար աղետի առկայության մասին մտահոգություններ են հնչում, և ընդդիմության որոշ ներկայացուցիչներ մեկնել են Արցախ:
Պատգամավորի խոսքով՝ Արցախում իրավիճակը խնդրահարույց է՝ եթե գազ չկա, դա արդեն խնդիր է, բայց զուգահեռ պրոցեսներ են տեղի ունենում՝ Հայաստան- Թուրքիա բանակցություններ, Հայաստանի և Ադրբեջանի արտգործնախարարությունների մակարդակով որոշակի հարցեր են քննարկվում:
Արդյո՞ք Հայաստանի հանրությունն իսկապես ուզում է հարաբարությունների կարգավորում Թուրքիայի հետ, ինչպես որ հայտարարել է ՀՀ արտգործնախարարը, և ո՞րն է լինելու խաղաղության գինը, այս հարցերին ի պատասխան՝ Պապոյանը նշեց. «Ես կարծում եմ, որ ՀՀ բնակչության բացարձակ մեծամասնությունը խաղաղություն է ուզում: Ես չեմ պատկերացնում, որ մի մայր կա, որն ուզում է՝ որդին պատերազմ գնա, կամ այդպիսի կին կա, որն ուզում է իր ամուսինը գնա պատերազմ: Խաղաղության այլընտրանքը ո՞րն է: Այո, ցանկացած խաղաղություն իր գինն ունի, բայց մենք նշել ենք, որ խոսքն առանց նախապայմանների խաղաղության մասին է, և այդ ուղղությամբ քննարկումներ են տեղի ունենում:
Թուրքիայի հետ թշնամություն անելու պարագայում ռիսկերը շատ կլինե՞ն, թե՞ հարաբերություններ ունենալու պարագայում, իմ կարծիքով՝ հարաբերությունների առկայության պարագյում ռիսկերն ավելի մեղմված և ավելի քիչ կլինեն»:
Մանրամասները՝ տեսանյութում:
