29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
ՌԴ-ից հնարավոր կլինի հացահատիկ, շաքարավազ, ձեթ ներկրել, խնդիր չենք ունենա. Ռուստամ Բադասյան․ ՏԵՍԱՆՅՈՒԹ
Տնտեսություն
16.03.2022 | 15:57
«Հացահատիկի, շաքարավազի ու ձեթի պաշարների մասով կառավարության իմ գործընկերներն արդեն հայտնել են, որ անհանգստանալու կարիք չկա»,- ԱԺ-ում տեղի ունեցած ճեպազրույցի ժամանակ հայտնեց ՊԵԿ նախագահ Ռուստամ Բադասյանը։
«Այդ ապրանքատեսակների մեծ մասի ներկումը հիմնականում Ռուսաստանի Դաշնությունից է: Հայաստան ներկրումների մեջ բավական մեծ մասնաբաժին ունի նաև Ուկրաինան, բայց այնտեղից ներկայում հնարավոր չէ ներկրումներ իրականացնել, իսկ Ռուսաստանի Դաշնությունը որոշակի որոշումներ է կայացրել, և այդ հարցը առաջիկայում կքննարկվի: Կարծում եմ, որոշակի քվոտավորման խնդիրներ առաջացած կլինեն»,- նշեց Բադասյանը:
ՊԵԿ նախագահի դիտարկմամբ՝ մարդիկ խանութներից չարդարացված մեծ գնումներ են արել, ինչի հետևանքով որոշ խնդիրներ են առաջացել, նույն խնդիրը կա նաև Ռուսաստանում: «Բայց ՌԴ-ի որոշումները վեջնական արդյունքում բացասական ազդեցություն չեն ունենա Հայաստան ներկրվող ապրանքատեսակների վրա,- կարծիք հայտնեց Բադասյանը՝ հավելելով, որ պարենային անվտանգության հետ կապված Հայաստանը որևէ խնդիր չի ունենա և առաջիկայում Ռուսաստանից հնարավոր կլինի ներմուծումներ կատարել:
Մանրամասները՝ տեսանյութում:
