27.12.2025 | 19:00
32 անշարժ գույք և 312 մլն դրամ եկամուտ․ ինչ է հայտարարագրել Հայկ Մարությանը
Ադրբեջանցիներին ու թուրքերին պետական գույք չի վաճառվել, հողատարածք՝ չգիտեմ. Պետգույքի կոմիտեի նախագահ․ ՏԵՍԱՆՅՈՒԹ
16.03.2022 | 15:50
«Ես գիտեմ, որ Հայաստանի օրենսդրությամբ ոչ ռեզիդենտներին հողատարածքներ չեն վաճառվում, արգելվում է վաճառքը»,- ԱԺ-ում լրագրողների հետ զրուցում նշեց Պետական գույքի կառավարման կոմիտեի նախագահ Առնակ Ավետիսյանը՝ անդրադառնալով հարցին, թե քանի գույք է ձեռք բերվել արաբների, թուրքերի կամ ադրբեջանցիների կողմից: Նա հավելեց, որ հարցն իրեն ուղղված չէ, եթե հողատարածքները ձեռք են բերվում երկրորդային շուկայից, մասնավոր անձանցից:
Ավետիսյանի խոսքով՝ Հայաստանում հողատարածքի սեփականություն կարող են ունենալ միայն ՀՀ քաղաքացիները, իսկ պետական գույքի առումով նմանատիպ դեպքեր բացառվում են, չկան։
Ինչ վերաբերում է այն դիտարկմանը, որ որոշակի վիճակագրություն կար՝ տարիների ընթացքում Ադրբեջանի քաղաքացիները Հայաստանում 6 անշարժ գույք են ձեռք բերել Հայաստանում, Պետական գույքի կառավարման կոմիտեի նախագահը նշեց, որ անշարժ գույքն ու հողատարածքը պետք է տարբերակել. «Անշարժ գույքի տվյալներ, բնականաբար չունենք, պետական գույք որպես այդպիսին չի օտարվել ոչ ռեզիդենտներին»։
Մանրամասները՝ տեսանյութում:
