26.06.2026 | 14:46
Նիդերլանդների ԱԳՆ ներկայացուցչի հետ քննարկվել են հայկական արտադրանքի արտահանման հնարավորությունները դեպի ԵՄ
ԵԽԽՎ-ն կողմ է քվեարկել Ռուսաստանի՝ Եվրախորհրդից դուրս գալուն
Քաղաքականություն
16.03.2022 | 13:07
Եվրախորհրդի Խորհրդարանական վեհաժողովի (ԵԽԽՎ) ներկայացուցիչները միաձայն կոչ են արել Ռուսաստանին լքել Եվրոպայի խորհուրդը։ Այս մասին ասվում է կազմակերպության թվիթերյան էջում։
ԵԽ-ից Ռուսաստանի դուրս գալու որոշումը ստացել է 216 կողմ և 3 ձեռնպահ ձայն։
«Վեհաժողովը միաձայն կողմ է քվեարկել՝ կոչ անելով Եվրոպայի խորհրդի Նախարարների կոմիտեին միջնորդել, որպեսզի Ռուսաստանն անհապաղ լքի Եվրոպայի խորհուրդը։ Վեհաժողովը կարծում է, որ ՌԴ-ն այլևս չի կարող լինել կազմակերպության անդամ»,- ասվում է հաղորդագրության մեջ։
Հիշեցնենք, որ Եվրոպայի Խորհրդի գլխավոր քարտուղար Մարիա Պեյչինովիչ-Բուրիչը նամակ էր ստացել Ռուսաստանի Դաշնության արտաքին գործերի նախարար Սերգեյ Լավրովից, որում տեղեկացվում է կազմակերպությունից դուրս գալու՝ Ռուսաստանի որոշման մասին։
Տաթև Ֆռանգյան
