06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Ռուսական տանկն ավտոմեքենայի վրայով անցել է․ մանրամասներ Ուկրաինահայ համայնքի կորուստների մասին․ՏԵՍԱՆՅՈՒԹ
Հասարակություն
15.03.2022 | 18:19
Ռուս-ուկրաինական պատերազմի մեկնարկից ի վեր Ուկրաինայի հայ համայնքում զոհվել է 9 մարդ, վիրավորների մասին այս պահին որևէ հստակ տեղեկություն չկա։ Այս մասին Factor.am-ի հետ զրույցում ասաց Ուկրաինայի հայերի միության փոխնախագահ Դավիթ Մկրտչյանը։
«Դեպքերից մեկը բավականին ծանր է․ կինը նստած է եղել իր մեքենայի մեջ, ռուսական տանկը եկել ու ավտոմեքենայի վրայով անցել է, տեղում մահացել է մեր հայրենակիցը։ Դրան զուգահեռ լարվածությունն ու ռազմական գործողությունների ինտենսիվությունն աճում է հատկապես Մարիուպոլ քաղաքում՝ օդից, ցամաքից, անգամ կասկածներ ունեմ, որ ծովից հարվածներ են հասցնում, երեք կողմից շրջափակված է քաղաքը, անելանելի վիճակ է»,- նշում է Մկրտչյանը։
Ուկրաինայի հայերի միության փոխնախագահն անդրադառնալով հայ համայնքի տարհանման գործընթացին, նշել է՝ ՀՀ-ից մինչ օրս միակ օգնությունը եղել է այն, որ Արտաքին գործերի նախարարությունը պայմանավորվածություն է ձեռք բերել սահմանամերձ եվրոպական երկրների հետ, որ ՀՀ քաղաքացիներն Ուկրաինայից կարողանան առանց խնդիր դուրս գալ Եվրոպա։
Մանրամասները՝ տեսանյութում։
Ռոզա Վարդանյան
