16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Պարեկային ծառայողները ձերբակալվել են կաշառք վերցնելու համար
Հասարակություն
15.03.2022 | 18:10
Factor.am-ի տեղեկություններով ձերբակալվել են պարեկային ծառայողներ՝ քաղաքացիներից կաշառք վերցնելու կասկածանքով: Գործը Հակակոռուպցիոն կոմիտեի վարույթում է: Կառույցից Factor.am-ի տեղեկությունները չհերքեցին՝ նշելով, որ մանրամասները կհաղորդեն առաջիկայում:
Factor.am-ին հայտնի դարձավ, որ պարեկային ծառայողներից մեկին կալանավորելու միջնորդություն է ներկայացվել դատարան:
Այսօր աշխատանքից ազատվել է նաև ՀՀ ոստիկանության պարեկային ծառայության Երևան քաղաքի գնդի հրամանատար Խաչատուր Սամվելյանը։ Ոստիկանության հասարակայնության հետ կապերի և լրատվության վարչությունից Factor.am-ին փոխանցեցին, որ սա զուտ կադրային փոփոխություն է, սակայն մեր հավաստի աղբյուրները նշում են, որ այս պաշտոնանկությունն ուղիղ կապ ունի պարեկային ծառայողների կաշառք վերցնելու դեպքի հետ:
Ի դեպ, ոստիկանությունը կաշառք վերցնելու տեղեկությունը ևս չէր հերքել: Մեզ նախ փոխանցեցին, որ կճշտեն տեղեկությունը և պարզաբանում կներկայացնեն, իսկ ավելի ուշ խնդրեցին, որ գրավոր հարցում ուղարկենք:
Նարեկ Կիրակոսյան
