06.06.2026 | 10:17
ՀՀ տարածքում ավտոճանապարհներն անցանելի են
Պաշտոնական Կիևը՝ ՌԴ-ի հետ խաղաղության պայմանագրի կնքման հնարավորության մասին
Քաղաքականություն
15.03.2022 | 12:42
Ռուսաստանի ու Ուկրաինայի միջև խաղաղության պայմանագրի շուրջ հնարավոր է համաձայնություն լինի առաջիկա մեկ-երկու շաբաթվա ընթացքում, իսկ ամենաուշը՝ մայիսին։ Նման կարծիք է հայտնել Ուկրաինայի նախագահ Վլադիմիր Զելենսկիի գրասենյակի ղեկավարի խորհրդական Ալեքսեյ Արեստովիչը՝ YouTube-յան ալիքներից մեկի ուղիղ եթերում հարցազրույցի ժամանակ։
«Կարծում եմ, ոչ ուշ, քան մայիս ամիսը, մայիսի սկզբին, ամենայն հավանականության,կհասնենք խաղաղության պայմանագրի, միգուցե նաև շատ ավելի արագ։ Տեսնենք, ես ամենաուշ ժամկետն եմ նշում»,- ասել է Արեստովիչը։
Հիշեցնենք, որ երեկ՝ մարտի 14-ին, կայացել է Ռուսաստանի և Ուկրաինայի միջև բանակցությունների չորրորդ փուլը։ Այն անցկացվել է տեսակոնֆերանսի միջոցով։ Ինչպես հետո բացատրել է Զելենսկու գրասենյակի ղեկավարի խորհրդական Միխայիլ Պոդոլյակը, բանակցություններից հետո տեխնիկական դադար է վերցվել։ Բանակցությունները կշարունակվեն այսօր։
Տաթև Ֆռանգյան
